കൊ​ട്ടി​യം: ബൈ​പാസ് റോ​ഡി​ലെ ​അ​ശാ​സ്​ത്രീ​യ​മാ​യ സു​ര​ക്ഷാ​വേ​ലിയുടെ നിർമ്മാ​ണ പ്ര​വർ​ത്ത​ന​ങ്ങൾ മൂ​ലം അ​യ​ത്തിൽ ബൈ​പാ​സ് ജം​ഗ്​ഷ​നിൽ അ​പ​ക​ടം പ​തി​യി​രി​ക്കു​ന്നു. യാ​തൊ​രു പഠനവും ന​ട​ത്താ​തെ റോ​ഡി​ന്റെ വ​ശ​ങ്ങ​ളിൽ നിർ​മ്മിച്ച ഇ​രു​മ്പു​സു​ര​ക്ഷാ​വേ​ലിയാണ് അ​പ​ക​ട​ക്കെണിയാവുന്നത്. സു​ര​ക്ഷാ​വേ​ലി റോ​ഡി​നോ​ട് ചേർ​ന്നാ​യ​തി​നാൽ കാൽ​ന​ട യാ​ത്ര​ക്കാർ​ക്ക് ഇതുവഴി ക​ട​ന്നു പോ​കാൻ കഴിയാത്ത സ്ഥി​തി​യാ​ണ്. സു​ര​ക്ഷാ​വേ​ലി​ പാ​ല​ത്തി​ന്റെ കൈ​വ​രി​ക​ളി​ലാ​ണ് ബ​ന്ധി​പ്പി​ച്ചി​ട്ടു​ള്ള​ത്. അ​തി​നാൽ ഫു​ഡ് പാ​ത്തി​ല്ലാ​ത്ത പാ​ല​ത്തി​ലൂ​ടെ ന​ട​ന്നു​പോ​കു​ന്ന​തും അ​പ​ക​ട​ങ്ങളുണ്ടാക്കുമെന്ന് പ്ര​ദേ​ശ​വാ​സി​കൾ പറയുന്നു. റോ​ഡി​ന്റെ വ​ശ​ങ്ങ​ളിലേയ്ക്ക് സു​ര​ക്ഷാ​വേ​ലി മാ​റ്റി സ്ഥാ​പി​ക്ക​ണ​മെ​ന്നതാണ് പ്രദേശവാസികളുടെ ആ​വ​ശ്യം. ഇ​വി​ടെ സ്ഥാ​പി​ച്ച ട്രാ​ഫി​ക് സി​ഗ്‌​ന​ലി​ൽ സ​മ​യക്ര​മീ​ക​ര​ണം ന​ട​ത്താ​ത്ത​തി​നാൽ ഗ​താ​ഗ​തക്കുരു​ക്കും രൂ​ക്ഷ​മാ​ണ്. 2 ദിവസം മുമ്പ് വൈ​കി​ട്ട് സം​സ്ഥാ​ന ഹൈ​വേ​യിൽ വാ​ഹ​ന​ങ്ങ​ളു​ടെ നീ​ണ്ട നി​ര രൂ​പ​പ്പെ​ട്ട​തോ​ടെ സി​ഗ്‌​നൽ ലൈ​റ്റ് അ​ണ​ച്ചാണ് കു​രു​ക്ക് ഒ​ഴി​വാ​ക്കി​യ​ത്. പ​ള്ളി​മു​ക്കി​ലേയ്​ക്കു​ള്ള റോ​ഡി​ലേ​ക്ക് തി​രി​ഞ്ഞു പോ​വേ​ണ്ട വാ​ഹ​ന​ങ്ങ​ളാ​ണ് സി​ഗ്‌​നൽ വ​ന്ന​തോ​ടെ വ​ല​യു​ന്ന​ത്. ഇ​വർ​ക്ക് കടന്ന് പോവാനാവശ്യമായ സി​ഗ്‌​നൽ ക്ര​മീ​ക​ര​ണം ഇ​വി​ടെ ന​ട​ത്തി​യി​ട്ടി​ല്ല. കാൽ​ന​ട​യാ​ത്ര​യ്ക്ക് ത​ട​സ​മാ​യി സ്ഥാ​പി​ച്ചി​ട്ടു​ള്ള സു​ര​ക്ഷാ​വേ​ലി മാ​റ്റി സ്ഥാ​പി​ക്കണമെന്നാ​ശ്യ​പ്പെ​ട്ട് കോൺ​ഗ്ര​സ് ബ്ലോ​ക്ക് സെ​ക്ര​ട്ട​റി അ​യ​ത്തിൽ നി​സാ​മി​ന്റെ നേ​തൃ​ത്വ​ത്തിൽ ഒ​പ്പു​ശേ​ഖ​ര​ണം ന​ട​ത്തി​യ ശേ​ഷം എൻ.കെ. പ്രേ​മ​ച​ന്ദ്രൻ ​എം.പി.ക്ക് നി​വേ​ദ​നം നൽ​കിയിട്ടുണ്ട്. ഹൈ​വേ അ​ധി​കൃ​ത​രു​ടെ ഭാ​ഗ​ത്തു നി​ന്ന് ന​ട​പ​ടി​യു​ണ്ടാ​യി​ല്ലെ​ങ്കിൽ പ്ര​ത്യ​ക്ഷസ​മ​ര പ​രി​പാ​ടി​കൾ ആ​രം​ഭി​ക്കു​മെന്നാണ് നാട്ടുകാർ പറയുന്നത്.