തൊ​ടി​യൂർ: നാ​ട്ടു​കാരുടെ യാ​ത്രാ​ദു​രി​തം ചൂ​ണ്ടി​ക്കാ​ട്ടി 'കേ​ര​ള കൗ​മു​ദി' വാർ​ത്ത പ്ര​സി​ദ്ധീ​ക​രി​ച്ച​തി​നെ ​തു​ടർ​ന്ന് റോ​ഡ് പ​ണി​ക്കാ​യി കൊ​ണ്ടി​ട്ടി​രു​ന്ന റോ​ഡ് റോ​ളർ സ്ഥലത്ത് നിന്ന് മാറ്റി. റോ​ഡ് പ​ണി​ അ​നി​ശ്ചി​ത​മാ​യി നീ​ളു​മെ​ന്ന് ഇ​തോ​ടെ ഉ​റ​പ്പാ​യി. തൊ​ടി​യൂർ പ​ഞ്ചാ​യ​ത്തി​ലെ പ്ര​ധാ​ന റോ​ഡു​ക​ളിലൊ​ന്നാ​യ കോ​ട്ട വീ​ട്ടിൽ ജം​ഗ്​ഷൻ - എ​സ്.എൻ.വി.എൽ.പി.എ​സ് ജം​ഗ്​ഷൻ റോ​ഡ് പു​നർ​നിർ​മ്മി​ക്കു​ന്ന​തി​നു​ള്ള ന​ട​പ​ടി​ ആ​രം​ഭി​ച്ചി​ട്ട് ഏ​റെ​ക്കാ​ല​മാ​യി. എ​ന്നാൽ റോ​ഡ് പൊ​ളി​ച്ചി​ട്ട് പ​ണി ന​ട​ത്താ​തെ നി​ല​വി​ലു​ണ്ടാ​യി​രു​ന്ന യാ​ത്രാ സൗ​ക​ര്യ​വും ഇ​ല്ലാ​താ​ക്കി ജ​ന​ങ്ങ​ളെ ബു​ദ്ധി​മു​ട്ടി​ക്കു​ന്ന​ത് ചൂ​ണ്ടി​ക്കാ​ട്ടി​യാ​യി​രു​ന്നു കേരളകൗമുദി വാർത്ത നൽകിയത്. റോ​ഡ് പ​ണി​ക്കാ​യി ആ​ഴ്​ച​കൾ​ക്ക് മു​മ്പ് കൂ​മ്പി​ല്ലാ​ക്കാ​വ് ക്ഷേ​ത്ര​ത്തി​ന് സ​മീ​പം​ കൊ​ണ്ടി​ട്ടി​രു​ന്ന റോ​ഡ് റോ​ളർ, വാർ​ത്ത വ​ന്ന അ​ന്ന് ത​ന്നെ ഇ​വി​ടെ നി​ന്ന് മാറ്റുകയായിരുന്നു. പൊ​ളി​ച്ചി​ട്ട റോ​ഡി​ലൂ​ടെ ടൂ വീ​ല​റി​ൽ സ​ഞ്ച​രി​ക്കു​ന്ന​വർ അ​പ​ക​ട​ത്തിൽ​പ്പെ​ടു​ന്നത് നിത്യസംഭവമാണ്. അ​ധി​കൃ​ത​രു​ടെ അ​നാ​സ്ഥ​യ്ക്കെ​തി​രെ ശ​ക്ത​മാ​യ പ്ര​തി​ഷേ​ധ​മാ​ണ് നാ​ട്ടു​കാ​രിൽ നി​ന്നു​യ​രു​ന്ന​ത്.