ചാവക്കാട്: തിരുവത്ര നാഗഹരിക്കാവ് ക്ഷേത്രത്തിൽ മകരപ്പത്ത് ഉത്സവം ആഘോഷിച്ചു. വിശേഷാൽ പൂജകൾക്ക് ശേഷം തിരുവത്ര ശിവക്ഷേത്രത്തിൽ നിന്ന് ഭഗവതിയുടെ തിടമ്പ് എഴുന്നള്ളിപ്പ് വാദ്യാഘോഷത്തോടെ ക്ഷേത്രത്തിൽ എത്തി. പൂത്താലം, ഉച്ചയ്ക്ക് രണ്ടിന് ഭഗവതിയുടെ തിടമ്പ് പഞ്ചവാദ്യത്തിന്റെ അകമ്പടിയോടെ പുറത്തേക്ക് എഴുന്നള്ളിപ്പ് തുടർന്ന് കൂട്ടിയെഴുന്നള്ളിപ്പ് എന്നിവ നടന്നു. വർണകാവടികൾ, തെയ്യം തിറ, പൂതം നാടൻകലാരൂപങ്ങൾ, വിവിധ വാദ്യമേളങ്ങൾ എന്നിവ അകമ്പടിയായി. രാത്രിയിൽ താലംവരവും ഉണ്ടായി.ക്ഷേത്ര ഭാരവാഹികളായ പ്രസിഡന്റ് ചക്കരാത്ത് സുകുമാരൻ, സെക്രട്ടറി എം.എസ്. വേലായുധൻ, ട്രഷറർ എം.ഡി. പ്രകാശൻ, എം.എസ്. ശ്രീവത്സൻ മാസ്റ്റർ, കണ്ടമ്പുള്ളി ഗോപി, മത്രം കോട്ട് ധർമ്മൻ, കൂർക്കപറമ്പിൽ പരമൻ, നടുവിൽ പുരയ്‌ക്കൽ ഭാസ്കരൻ എന്നിവർ നേതൃത്വം നൽകി.