ആറ്റിങ്ങൽ: ശബരിമല സ്ത്രീ പ്രവേശന വിഷയത്തിൽ പ്രതിഷേധിച്ച് ശബരിമല കർമ്മസമിതി ആഹ്വാനം ചെയ്ത ഹർത്താൽ ആറ്റിങ്ങലിൽ പൂർണമായിരുന്നു. കടകമ്പോളങ്ങൾ അടഞ്ഞു കിടന്നു. കെ.എസ്.ആർ.ടി.സി, സ്വകാര്യ ബസുകൾ, ഓട്ടോ, ടാക്സി തുടങ്ങി വാഹനങ്ങൾ നിരത്തിലിറങ്ങിയില്ല. ചില സ്വകാര്യ വാഹനങ്ങൾ ആശുപത്രി,​ എയർപോർട്ട്,​ മരണം എന്നീ ബോർഡുകൾ പതിച്ച് ഓടുന്നുണ്ടായിരുന്നു. സർക്കാർ ഓഫീസുകളിൽ ഹാജർ നില കുറവായിരുന്നു. ആലംകോട് കടകൾ രാവിലെ പൂർണമായും തുറന്നെങ്കിലും പിന്നീട് കുറേ കടകൾ അടച്ചു.