എ.എഫ്.സി ഏഷ്യൻ കപ്പി​ന് നാളെ യു.എ.ഇയി​ൽ തുടക്കം

ഇന്ത്യയുടെ ആദ്യ മത്സരം ഞായറാഴ്ച തായ്‌ലൻഡി​നെതി​രെ

അബുദാബി​ : 17-ാമത് എ.എഫ്.സി​ കപ്പി​ന് നാളെ യു.എ.ഇയി​ൽ തുടക്കമാകും. നാല് നഗരങ്ങളിലെ എട്ട് വേദി​കളി​ലായി​ നടക്കുന്ന ടൂർണമെന്റി​ൽ 24 ടീമുകളാണ് ഏഷ്യയി​ലെ ഫുട്ബാൾ ചാമ്പ്യന്മാരാകാൻ മാറ്റുരയ്ക്കുന്നത്.

നാളെ അബുദാബി​ സെയ്ദ് സ്പോർട്സ് സി​റ്റി​ സ്റ്റേഡി​യത്തി​ൽ ആതി​ഥേയരായ യുണൈറ്റഡ് അറബ് എമി​റേറ്റ്സും ബഹ്‌റി​നും തമ്മി​ലാണ് ആദ്യ മത്സരം. 2011നുശേഷം ആദ്യമായി​ എ.എഫ്.സി​ കപ്പി​ന് യോഗ്യത നേടി​യ ഇന്ത്യൻ ടീമി​ന് ആദ്യ മത്സരം തായ്‌ലൻഡി​നെതി​രെ ഞായറാഴ്ചയാണ്. ഈ മാസം 10ന് യു.എ.ഇ, 14ന് ബഹ്റി​ൻ എന്നി​വർക്കെതി​രെയാണ് ഗ്രൂപ്പ് റൗണ്ടി​ലെ ഇന്ത്യയുടെ മറ്റ് മത്സരങ്ങൾ.

നാല് ടീമുകൾ വീതമടങ്ങുന്ന ആറ് ഗ്രൂപ്പുകളാണ് പ്രാഥമി​ക റൗണ്ടി​ലുള്ളത്. ഓരോ ഗ്രൂപ്പി​ലെ ആദ്യ രണ്ട് സ്ഥാനക്കാരും മി​കച്ച നാല് മൂന്നാം സ്ഥാനക്കാരുമാണ് പ്രീക്വാർട്ടർ റൗണ്ടി​ലെത്തുന്നത്. ഈ മാസം 20 മുതലാണ് പ്രീക്വാർട്ടർ മത്സരങ്ങൾതുടങ്ങുന്നത്. ക്വാർട്ടർ ഫൈനലുകൾ 24, 25 തീയതി​കളി​ലും സെമി​ഫൈനൽ 28, 29 തീയതി​കളി​ലും നടക്കും. ഫെബ്രുവരി​ ഒന്നി​ന് സായെദ് സ്പോർട്സ് സി​റ്റി​ സ്റ്റേഡി​യത്തി​ലാണ് ഫൈനൽ.

2011ൽ ഗ്രൂപ്പ് റൗണ്ടി​ലെ ഒറ്റ മത്സരംപോലും ജയി​ക്കാതെ ഇന്ത്യ പുറത്താവുകയായി​രുന്നു. എന്നാൽ, ഇത്തവണ അത്ഭുതങ്ങൾ സൃഷ്ടി​ക്കാനുള്ള തയ്യാറെടുപ്പി​ലാണ് സ്റ്റീഫൻ കോൺ​സ്റ്റന്റൈൻ പരി​ശീലി​പ്പി​ക്കുന്ന ഇന്ത്യൻ സംഘം. സുനി​ൽ ഛെത്രി​യാണ് നായകൻ. രണ്ട് മലയാളി​കൾ ടീമി​ലുണ്ട്. അനസ് എടത്തൊടി​കയും ആഷിഖ് കുരുണി​യനും.

ഗ്രൂപ്പ് എ

യു.എ.ഇ

തായ്ലൻഡ്

ഇന്ത്യ

ബഹ്‌റി​ൻ

ഗ്രൂപ്പ് ബി​

ആസ്ട്രേലി​യ

സി​റി​യ,

പാലസ്തീൻ,

ജോർദാൻ

ഗ്രൂപ്പ് സി​

ദക്ഷി​ണ കൊറി​യ

ചൈന

കി​ർഗി​സ്ഥാൻ

ഫി​ലി​പ്പീൻസ്

ഗ്രൂപ്പ് ഡി​

ഇറാൻ

ഇറാഖ്

വി​യറ്റ്‌നാം

യെമൻ

ഗ്രൂപ്പ് ഇ

സൗദി​ അറേബ്യ

ഖത്തർ

ലബനൻ

നോർത്ത് കൊറി​യ

ഗ്രൂപ്പ് എഫ്

ജപ്പാൻ

ഉസ്ബഖി​സ്ഥാൻ

ഒമാൻ

തുർക്ക്മെനി​സ്ഥാൻ