തിരുവനന്തപുരം: കേരള മീഡിയ അക്കാഡമി തിരുവനന്തപുരം, എറണാകുളം (കാക്കനാട്) സെന്ററുകളിൽ നടത്തുന്ന വീഡിയോ എഡിറ്റിംഗ് സർട്ടിഫിക്കറ്റ് കോഴ്സ് പ്രവേശനത്തിന് അപേക്ഷിക്കേണ്ട തീയതി 11 വരെ നീട്ടി. 6 മാസമാണ് കോഴ്സ് കാലാവധി.

സർക്കാർ അംഗീകാരമുള്ള കോഴ്സിന് 30,000 രൂപയാണ് ഫീസ്. പട്ടികജാതി, പട്ടികവർഗ, ഒ.ഇ.സി വിദ്യാർത്ഥികൾക്ക് ഫീസ് ആനുകൂല്യം ലഭിക്കും. പ്ലസ് ടു യോഗ്യതയുള്ളവർക്ക് അപേക്ഷിക്കാം. പ്രായം 30-11-2019ൽ 30 വയസ് കവിയരുത്. പട്ടികവിഭാഗങ്ങൾക്ക് അഞ്ച് വയസ് ഇളവുണ്ട്.

www.keralamediaacademy.org ൽ നിന്ന് ഫോറം ഡൗൺലോഡ് ചെയ്ത് അപേക്ഷ സമർപ്പിക്കാം. സർട്ടിഫിക്കറ്റുകളുടെ പകർപ്പും അപേക്ഷയ്ക്കൊപ്പം സമർപ്പിക്കണം. സെക്രട്ടറി, കേരള മീഡിയ അക്കാഡമി, കാക്കനാട് എന്ന പേരിൽ എറണാകുളം സർവീസ് ബ്രാഞ്ചിൽ മാറാവുന്ന 300 രൂപയുടെ (പട്ടിക വിഭാഗങ്ങൾക്ക് 150 രൂപ) ഡിമാൻഡ് ഡ്രാഫ്റ്റും നൽകണം. കാക്കനാട് സെന്ററിലേക്കുള്ള അപേക്ഷ സെക്രട്ടറി, കേരള മീഡിയ അക്കാഡമി, കാക്കനാട്, കൊച്ചി-30 എന്ന വിലാസത്തിലും തിരുവനന്തപുരം സെന്ററിലേക്കുള്ള അപേക്ഷ കേരള മീഡിയ അക്കാഡമി, തിരുവനന്തപുരം സബ് സെന്റർ, ടി.സി 9/1487, ശാസ്തമംഗലം, തിരുവനന്തപുരം -10 എന്ന വിലാസത്തിലും ലഭിക്കണം. ഫോൺ: 0484 2422275, 0484 2422068