വിഴിഞ്ഞം: സി. പ്രേംകുമാർ സംവിധാനം ചെയ്ത് വിജയ് സേതുപതിയും തൃഷയും മുഖ്യകഥാപാത്രങ്ങളായി അഭിനയിച്ച '96' എന്ന സിനിമ പ്രേഷകരെ സ്കൂൾജീവിതത്തിന്റെ ഓർമകളിലേക്ക് മടങ്ങാൻ പ്രേരിപ്പിക്കുന്നതായിരുന്നു. വെങ്ങാനൂർ ഗവണ്മെന്റ് ഹയർ സെക്കന്ററി സ്കൂളിലെ 1996 ബാച്ച് എസ്.എസ്.എൽ.സി വിദ്യാർത്ഥികൾക്കും സ്കൂൾ അങ്കണത്ത് ഒത്തുകൂടാൻ '96' നിമിത്തമായി. 22 വർഷങ്ങൾക്കു ശേഷം സഹപാഠി 96 എന്ന പേരിലാണ് പൂർവവിദ്യാർത്ഥികളും അദ്ധ്യാപകരും ഒത്തുകൂടിയത്. കൂട്ടായ്മയുടെ ഉദ്‌ഘാടനം മുൻ ഹെഡ്മാസ്റ്റർ അംബിക ദാസൻ നാടാർ നിർവഹിച്ചു. സ്കൂൾ ഹെഡ് മിസ്ട്രസ് ബി.കെ. കല അദ്ധ്യക്ഷത വഹിച്ചു. കൂട്ടായ്മയിൽ 30ഒാളം അദ്ധ്യാപകരെ ആദരിച്ചു. രാവിലെ ഒൻപതു മുതൽ തുടങ്ങിയ കൂട്ടായ്മയിൽ 200ഒാളം പേര്‍ പങ്കെടുത്തു. ഒരേ ക്ലാസ്സിൽ പഠിച്ചവരെ തിരിച്ചറിയാതെ കുഴങ്ങിയ സഹപാഠികളുടെ ജാള്യത കൂട്ടായ്മയിൽ ചിരിപടർത്തി. തട്ടുകടയും വിദേശഭാഷണവുമൊക്കെ കൂട്ടായ്മയ്ക്കായി സംഘാടകർ ഒരുക്കിയിരുന്നു. ഉച്ചഭക്ഷണത്തിനുശേഷം പൂർവ വിദ്യാർത്ഥികളുടെ വടം വലിമത്സരങ്ങളും മറ്റു കായികമത്സരങ്ങളും അവരുടെ മകൾ അവതരിപ്പിച്ച കലാപരിപാടികളും നടന്നു. നടന്നു. ഓരോ ഡിവിഷനിലും പഠിച്ചവർ അവരുടെ ക്ലാസുകളിൽ പ്രത്യേകം ഒത്തുകൂടി ക്ലാസ് ടീച്ചർക്കൊപ്പം അനുഭവങ്ങൾ പങ്കിട്ടു. വിവധ തലങ്ങളിൽ പ്രാഗത്ഭ്യം തെളിയിച്ചവരെ അതത് ക്ലാസുകളിൽ ആദരിച്ചു. കെ കെ പ്രഭാകരൻ, സുനിൽ കുമാർ.ബി, ഹൃഷികേശ്, മോഹനൻ, നാൻസൺ, എസ്. വി. രാജേഷ് , എസ്.എസ്. രജനീഷ്, എ. അനൂപ്, സജീവ് ടി.രാജൻ, ബി. ഷജൻ, ആർ.എസ്. മഞ്ജുള എന്നിവർ സംസാരിച്ചു.