തിരുവനന്തപുരം: മുഖ്യമന്ത്റിയേയും മന്ത്രി കടകംപള്ളി സുരേന്ദ്രനെയും വനിതാ മതിലിൽ പങ്കെടുത്തവരെയും അപമാനിച്ച് ഫേസ് ബുക്കിൽ പോസ്​റ്റിട്ടയൾ അറസ്റ്റിൽ. മടവൂർ അയണിക്കാട്ടുകോണം വാറുവിള പുത്തൻ വീട്ടിൽ ഉണ്ണികൃഷ്ണനെയാണ് (48) പള്ളിക്കൽ പൊലീസ് അറസ്​റ്റ് ചെയ്തത്.

കെട്ടിടനിർമ്മാണ തൊഴിലാളിയായ ഇയാൾക്കെതിരെ ഡി.വൈ.എഫ്.ഐ മേഖലാ പ്രസിഡന്റ് നൽകിയ പരാതിയിലാണ് അറസ്റ്റ്. റൂറൽ ജില്ലാ പോലീസ് മേധാവി പി. അശോക് കുമാറിന്റെ നിർദ്ദേശപ്രകാരം പള്ളിക്കൽ എസ്.എച്ച്.ഒ വി.ഗംഗാപ്രസാദിന്റെ നേതൃത്വത്തിലുള്ള സംഘമാണ് പ്രതിയെ അറസ്​റ്റ് ചെയ്തത്. കോടതിയിൽ ഹാജരാക്കി റിമാന്റ് ചെയ്തു.