മലയിൻകീഴ്: മാറനല്ലൂർ ആലംപൊറ്റയിൽ വീട്ടിൽ വ്യാജ ചാരായ നിർമ്മിച്ച വൃദ്ധൻ പിടിയിൽ. മാറനല്ലൂർ കൂവളശ്ശേരി ആലംപൊറ്റ പുത്തൻ വീട്ടിൽ തങ്കയ്യൻ നാടാർ (87)ആണ് അറസ്റ്റിലായത്. ഇന്നലെ രാവിലെ ഏഴു മണിയോടെ നടത്തിയ അന്വേഷണത്തിലാണ് ഇയാൾ പിടിയിലായത്. വർഷങ്ങളായി ഇയാൾ വീട് കേന്ദ്രീകരിച്ച് വ്യാജ ചാരായ നിർമ്മാണം നടത്തി മലയോര മേഖലയിൽ കച്ചവടം നടത്തി വരികയായിരുന്നു. ഇവിടെ നിന്നു ആയിരക്കണക്കിന് രൂപ വിലവരുന്ന വാറ്റുപകരണങ്ങളും അഞ്ചു ലിറ്റർ ചാരായവും 200 ലിറ്റർ കോടയും കണ്ടെടുത്തു. കാട്ടാക്കട എക്സൈസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എക്സൈസ് ഇൻസ്‌പെക്ടർ സ്വരൂപിന്റെ നേതൃത്വത്തിലാണ് പരിശോധന നടത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ഫോട്ടോ..............1).പ്രതി തങ്കയ്യൻ നാടാർ.

2). തങ്കയ്യൻ നാടാരുടെ വീട്ടിൽ നിന്നു കണ്ടെടുത്ത കോടയും വാറ്റുപകരണങ്ങളും