തിരുവനന്തപുരം: കവിയും അദ്ധ്യാപകനും പത്രാധിപരുമായിരുന്ന പുനലൂർ ബാലന്റെ നവതി ആഘോഷത്തോടനുബന്ധിച്ച് ഏർപ്പെടുത്തിയ പുനലൂർ ബാലൻ പുരസ്കാരം കവി ഏഴാച്ചേരി രാമചന്ദ്രന്. 10,​001 രൂപയും ശില്പവും പ്രശസ്തിപത്രവുമടങ്ങുന്നതാണ് പുരസ്കാരം.

കേരള സാഹിത്യ അക്കാഡമി,​ സാംസ്കാരിക വകുപ്പ്,​ പുനലൂർ ബാലൻ ഫൗണ്ടേഷൻ എന്നിവയുടെ സംയുക്താഭിമുഖ്യത്തിൽ 22ന് രാവിലെ 9ന് പുനലൂർ സ്വയംവര ആഡിറ്റോറിയത്തിൽ നടക്കുന്ന അനുസ്മരണ യോഗം എം.എ. ബേബി ഉദ്ഘാടനം ചെയ്യും. മന്ത്രി കെ.രാജു പുരസ്കാരം നൽകുമെന്ന് വാർത്താസമ്മേളനത്തിൽ പുനലൂർ ബാലൻ ഫൗണ്ടേഷൻ പ്രസിഡന്റ് ഡി.സുരേഷ്കുമാർ,​ സെക്രട്ടറി വിഷ്ണുദേവ് വി,​ സന്ധ്യ ബാലൻ എന്നിവർ അറിയിച്ചു.