'Will miss you Johny Cheta...RIP'.... എ.ആർ. റഹ്‌മാൻ ട്വിറ്ററിൽ ഇതു കുറിക്കുമ്പോൾ ഹൃദയം വല്ലാതൊന്നു തുടിച്ചിരിക്കണം. അത്രമേൽ അഗാധമായിരുന്നു,​ ജോൺ ആന്തണിയുമായുള്ള റഹ്‌മാന്റെ സൗഹൃദം.

ജോണിന്റെ സംഗീത ബാൻഡുകളിലൂടെ ശ്രദ്ധേനായതിനു ശേഷമായിരുന്നു,​ സിനിമയിലേക്കുള്ള റഹ്‌മാന്റെ രംഗപ്രവേശം.1990 ൽ ജോൺ ചെന്നൈയിൽ തുടക്കമിട്ട റൂട്സ് ബാൻഡ് റഹ്‌മാനു മാത്രമല്ല,​ ഡ്രമ്മർ ശിവമണി ഉൾപ്പെടെ പലർക്കും ഉയരങ്ങളിലേക്കു വഴിയൊരുക്കി. കുറച്ചു മാസം മുമ്പ് തലസ്ഥാനത്ത് എത്തിയപ്പോൾ എ.ആർ. റഹ്‌മാൻ ജോൺ ആന്തണിയുടെ പൂജപ്പുരയിലെ വീട്ടിലെത്തിയിരുന്നു. പഴയ സുഹൃത്തുക്കളെ ഉൾപ്പെടുത്തി ഒരു കൂട്ടായ്‌മ സംഘടിപ്പിക്കണമെന്നു പറഞ്ഞാണ് ജോണി അന്നു പിരിഞ്ഞതെന്ന്,​ ഒരുമിച്ചുള്ള ഫോട്ടോ കൂടി ട്വിറ്ററിൽ പോസ്റ്റ് ചെയ്ത് എ.ആർ. റഹ്മാൻ പറയുന്നു.

Will miss you Johnny Cheta ...RIP 🌹 pic.twitter.com/pRmdLpmlXW

— A.R.Rahman (@arrahman) January 20, 2019