kerala-university

തിരുവനന്തപുരം: കേരള സർവകലാശാലയിൽ ഒമ്പത്​ പഠന വിഭാഗങ്ങളിൽ 48 അദ്ധ്യാപക തസ്​തികകൾ സൃഷ്​ടിക്കാൻ സിൻഡിക്കേറ്റ്​ യോഗം സർക്കാരിനോട്​ ശിപാർശ ചെയ്​തു. സ്​കൂൾ അദ്ധ്യാപകർ ഉൾപ്പെടെയുള്ളവർക്ക്​ പാർട്​ ടൈം ഗവേഷണത്തിന്​ അവസരമൊരുക്കാനും യോഗം തീരുമാനിച്ചു.


29 അസി. പ്രൊഫസർ, 13 അസോസിയേറ്റ്​ പ്രൊഫസർ, ആറ്​ പ്രൊഫസർ തസ്​തികകളാണ്​ സൃഷ്​ടിക്കേണ്ടത്​. ബയോടെക്​നോളജി, എൻവയോൺമെന്റൽ സയൻസ്​, ഡെമോഗ്രഫി, ഇൻസ്​റ്റിറ്റ്യൂട്ട്​ മാനേജ്​മെൻറ്​ ഇൻ കേരള, ലാ, നാനോ സയൻസ്​ ആൻഡ് ​ നാനോ ടെക്​നോളജി, ഒപ്​ടോ ഇലക്​ട്രോണിക്​സ്​, സോഷ്യോളജി, ഇന്റർനാഷനൽ സെൻറർ ഫോർ കേരള സ്​റ്റഡീസ്​ എന്നീ പഠന വിഭാഗങ്ങളിലാണ്​ അദ്ധ്യാപക തസ്​തിക സൃഷ്​ടിക്കേണ്ടത്​.


സ്​കൂൾ അദ്ധ്യാപകർ, പൊതുമേഖലാ സ്ഥാപനങ്ങളിലെ എക്​സിക്യൂട്ടീവ്​ തസ്​തികകളിൽ ജോലി ചെയ്യുന്നവർ, സർവകലാശാലയിലെ സ്​ഥിരം അദ്ധ്യാപകേതര ജീവനക്കാർ, മറ്റ്​ സർവകലാശാലകളിലെ അദ്ധ്യാപകർ, കേരള സർവകലാശാലയിൽ അഫിലിയേറ്റ്​ ചെയ്​ത കോളജുകളിലെ അദ്ധ്യാപകർ തുടങ്ങിയവർക്കാണ്​ പാർട്​ ടൈം ഗവേഷണത്തിന്​ അവസരമൊരുക്കുക. സർവകലാശാലയിൽ ഒഴിവ്​ വരുന്ന പരീക്ഷാ കൺട്രോളർ, ഫിനാൻസ്​ ഒാഫീസർ, സ്​റ്റുഡന്റ്​സ്​ സർവീസ്​ ഡയറക്​ടർ, സെന്റർ ഫോർ അഡൽട്ട്​ ആൻഡ് കണ്ടിന്യൂയിംഗ്​ എജ്യുക്കേഷൻ ആൻഡ് എക്​സ്​റ്റൻഷൻ അസി. ഡയറക്​ടർ തസ്​തികകളിൽ നിയമനത്തിന്​ വിജ്​ഞാപനമിറക്കാനും തീരുമാനിച്ചു. ഫെബ്രുവരിയിൽ അന്താരാഷ്​ട്ര വിദ്യാർത്ഥി സമ്മേളനം സംഘടിപ്പിക്കാനും തീരുമാനിച്ചു.


ഫെബ്രുവരി 28 ന് സർവകലാശാലയിൽ ദേശീയ ശാസ്​ത്രദിനം വിപുലമായി ആഘോഷിക്കും. അന്താരാഷ്​ട്ര ശ്രീനാരായണ പഠന – ഗവേഷണ കേന്ദ്രത്തിെന്റെ ആഭിമുഖ്യത്തിൽ തിരഞ്ഞെടുക്കപ്പെട്ട കേന്ദ്രങ്ങളിൽ നവോത്ഥാന മൂല്യങ്ങൾ പ്രചരിപ്പിക്കാൻ പര്യാപ്തമായ പ്രഭാഷണ പരിപാടികൾ സംഘടിപ്പിക്കും. സർവകലാശാലയുടെ പെർഫോർമിംഗ്​ ആർട്സ്​ വിഭാഗത്തിെൻറ വാഗൺ തിയേറ്റർ നാടക പ്രദർശനം വിവിധ കോളജുകളിൽ നടത്തുന്നതിനും സ്​മാരക പ്രഭാഷണം സംഘടിപ്പിക്കുന്നതിനും സിൻഡിക്കേറ്റ് യോഗം തീരുമാനിച്ചു.