സാമ്പ​ത്തിക രംഗത്തെ സംഭ​വ​വി​കാ​സ​ങ്ങൾ സവി​ശേ​ഷ​മായ ശ്രദ്ധ​യോടെ രാജ്യവും ജന​ങ്ങ​ളൊ​ട്ടാ​കെയും പരി​ഗ​ണി​ക്കുന്ന കാല​മാ​ണി​ത്. ഇന്ത്യൻ ബാങ്കിംഗ് രംഗം ജന​കീ​യ​മായതും, രാഷ്ട്ര നിർമ്മാ​ണ​ത്തിന് അനു​യോ​ജ്യ​മായതും 1969 ലെ ബാങ്ക് ദേശ​സാത്കര​ണ​ത്തോ​ടെ​യാ​ണ്. 2008 ലെ ലോക സാമ്പ​ത്തിക പ്രതി​സ​ന്ധിയെ അതി​ജീ​വി​ക്കാ​നാ​യത് പ്രസ്തുത നീരു​റവ ഇന്ത്യ​യുടെ ബാങ്കിംഗ് സ്ഥാപ​ന​ങ്ങ​ളിൽ നില​നിൽക്കു​ന്ന​തി​നാ​ലാ​യി​രു​ന്നു. എന്നാൽ, നവ​ലി​ബ​റൽ നയ​ങ്ങൾ അത്തരം നന്മ​ക​ളെ​യെല്ലാം നിർവീര്യ​മാ​ക്കു​ക​യു​ണ്ടാ​യി. ബാങ്ക് വായ്പ​കൾ സാധാ​ര​ണ​ക്കാ​രന് ലഭ്യ​മാ​കു​ന്നി​ല്ല. ചെറു​കിട ഇട​പാ​ടു​കാരെ കഴി​യു​ന്നതും ഒഴി​വാ​ക്കു​ന്ന​താണ് ബാങ്കു​കൾ അവ​ലം​ബി​ക്കുന്ന പൊതു​നി​ല​പാ​ട്. സഹ​ക​രണ ബാങ്കു​ക​ളും ഗ്രാമീണ ബാങ്കു​ക​ളു​മാണ്, അടി​സ്ഥാന ജന​വി​ഭാ​ഗ​ങ്ങ​ളോട് അല്പ​മെ​ങ്കിലും സൗഹൃദ സമീപനം വെച്ചു പുലർത്തുന്ന​ത്. എന്നാൽ, പുതിയ നയം​മാറ്റം ഇത്തരം ബാങ്കു​ക​ളെയും തകർത്തി​ല്ലാ​താ​ക്കു​ന്ന​തി​ലേ​ക്കാണ് വഴി​തെ​ളി​യി​ക്കു​ന്ന​ത്.

ബാങ്ക് വായ്പ​കൾ ശാഖാ മാനേ​ജർമാർ അനു​വ​ദി​ച്ചി​രുന്ന കാല​ത്താണ് വികേ​ന്ദ്രീ​കൃ​ത​മായി ചെറു​കിട വായ്പ​കൾ സാധാ​ര​ണ​ക്കാർക്ക് ലഭ്യ​മാ​യി​രു​ന്ന​ത്. എന്നാൽ, കോർ ബാങ്കിംഗ് സൊലൂ​ഷൻ നട​പ്പാക്കി ബാങ്ക് പ്രവൃ​ത്തി​ക​ളെല്ലാം ഹെഢാ​ഫീ​സു​ക​ളിലും സോണൽ ഓഫീ​സു​ക​ളിലും കേന്ദ്രീ​ക​രി​ക്കുന്ന സ്ഥിതി സംജാ​ത​മാ​യി. എളു​പ്പ​ത്തിൽ ടാർജ​റ്റു​കൾ കൈവ​രി​ക്കാ​നെ​ന്ന​വിധം വമ്പൻ വായ്പ​ക​ളിൽ അഭയം തേടു​ന്ന​തി​ലേക്ക് ബാങ്കു​ക​ളുടെ പ്രവർത്ത​ന​ശൈലി രൂപാ​ന്ത​ര​പ്പെ​ട്ടു. സ്വാഭാ​വി​ക​മായും അവ​ഗ​ണി​ക്ക​പ്പെട്ട കാർഷിക മേഖ​ലയും ചെറു​കിട സംരം​ഭ​ങ്ങളും തളർന്നു​വീ​ഴാനും മര​വിപ്പ് സംഭ​വി​ക്കാനും കാര​ണ​മായി. ഇന്ത്യൻ കമ്പോ​ള​ത്തി​നു​ണ്ടായ മുര​ടിപ്പും സമ്പദ് വ്യവ​സ്ഥ​യുടെ മാന്ദ്യ​വും, ചെറു​കി​ട​ക്കാരെ അവ​ഗ​ണി​ച്ചുള്ള ബാങ്ക് വായ്പാ നിഷേ​ധ​ത്തിന്റെ കൂടി സംഭാ​വ​നയാ​ണ്.

വിജയ് മല്യ​മാർക്കും കോർപ്പ​റേ​റ്റു​കൾക്കും മറ്റും ലഭ്യ​മാ​ക്കിയ ബാങ്ക് വായ്പ​ക​ളാ​ക​ട്ടെ, അവർ മന​ഃപൂർവം തിരി​ച്ച​ട​ക്കു​ക​യു​ണ്ടാ​യി​ല്ല. ബാങ്കു​ക​ളുടെ മൊത്തം കിട്ടാ​ക്കടം 10 ലക്ഷം കോടി രൂപയായി എത്തി​നിൽക്കു​ന്നത് ഏറെ ഉത്ക​ണ്ഠാ​ജ​ന​ക​മാ​ണ്. 2013-14 സാമ്പ​ത്തിക വർഷ​ത്തിൽ കിട്ടാ​ക്കട തുക 2.49 ലക്ഷം കോടി രൂപ​യാ​യി​രു​ന്നു. കുതി​ച്ചു​യ​രുന്ന കിട്ടാ​ക്കടം ബാങ്കു​ക​ളെ​യാകെ വൻ നഷ്ട​ത്തി​ലെ​ത്തി​ച്ചി​രി​ക്കു​ക​യാ​ണ്. 2017-18 ൽ പൊതു​മേ​ഖലാ ബാങ്കു​ക​ളിലെ വിജയാ ബാങ്കും ഇന്ത്യൻ ബാങ്കു​മൊ​ഴി​ച്ച്, 19 ബാങ്കു​കളും നഷ്ട​ത്തി​ലാണ് കലാ​ശി​ച്ച​ത്. ബാങ്ക് ദേശ​സാത്‌കര​ണ​ത്തിന് ശേഷം ആദ്യ​മാ​യി​ട്ടാണ് ഇതു​പോലെ ബാങ്കു​കൾ നഷ്ട​ത്തി​ലാ​കു​ന്ന​ത്. 2015-16ൽ 17,990 കോടി രൂപയും 2016-17ൽ 11,369 കോടി രൂപയും ബാങ്കു​കൾക്ക് നഷ്ടം സംഭ​വി​ക്കു​ക​യു​ണ്ടാ​യി. 2017-18ലെ ഇന്ത്യൻ ബാങ്കിംഗ് വ്യവ​സാ​യ​ത്തിന്റെ അറ്റ​നഷ്ടം 85,374 കോടി രൂപ​യാ​ണ്. ബാങ്ക് ദേശ​സാത്‌ക​ര​ണ​ത്തി​ലൂടെ ജന​ങ്ങ​ളുടെ വിശ്വാ​സ്യ​തയും അംഗീ​കാ​രവും നേടി അഭി​വൃ​ദ്ധി​യി​ലെ​ത്തിയ ബാങ്കിംഗ് സ്ഥാപ​ന​ങ്ങ​ളാണ് തെറ്റായ സാമ്പ​ത്തിക നയ​ങ്ങ​ളുടെ പ്രയോ​ഗ​ത്താൽ ഈ വിധം താറു​മാ​റാ​യി​ട്ടു​ള്ള​ത്.

സാധാ​രണ ജന​ങ്ങൾക്ക് സബ്‌സിഡി കിട്ടാനും ദൈനം​ദിന ആവ​ശ്യ​ങ്ങൾക്കും ബാങ്ക് അക്കൗ​ണ്ടു​കൾ നിർബ​ന്ധി​ത​മാ​ക്കി​ക്ക​ഴി​ഞ്ഞു. എ.ടി.എം, ഇന്റർനെറ്റ്, ക്രെഡിറ്റ് കാർഡ് ഉപ​യോ​ഗ​ങ്ങ​ളൊക്കെ നിത്യ​ജീ​വി​ത​ത്തിലെ ഒഴി​വാ​ക്കാ​നാ​കാത്ത സംഗ​തി​ക​ളാ​യി​ട്ടാണ് വന്നു​കൊ​ണ്ടി​രി​ക്കു​ന്ന​ത്. ഈയൊരു സാഹ​ച​ര്യ​ത്തി​ലാണ് ബാങ്കു​ക​ളിൽ അമി​ത​മായ സർവീസ് ചാർജ്ജ് ഈടാ​ക്കുന്ന സമ്പ്ര​ദായം തീക്ഷ്ണ​മായി വരു​ന്ന​ത്. ടെക്‌നോ​ള​ജി​യുടെ പ്രയോഗം ചിര​പ​രി​ചിത​മ​ല്ലാ​ത്ത​തി​നാൽ ചതി​ക്കു​ഴി​ക​ളിൽ വീഴുന്ന ഇട​പാ​ടു​കാ​രുടെ എണ്ണം കൂടു​ന്ന​തായി കാണാം.

സമ്പ​ത്തിന്റെ അമിത കേന്ദ്രീ​ക​രണം അതീ​വഗൗര​വ​മുള്ള സാമൂ​ഹ്യ​പ്ര​ശ്‌ന​മാ​ണ്. ഇതു​ണ്ടാ​ക്കുന്ന സാമ്പ​ത്തിക അസ​മത്വം സമൂ​ഹ​ത്തിൽ നാനാ​വി​ധ​ത്തി​ലുള്ള അസ്വ​സ്ഥ​ത​കൾക്കും പൊട്ടി​ത്തെ​റി​കൾക്കും കാര​ണ​മാ​കും. 2017ൽ നമ്മുടെ രാജ്യത്ത് സൃഷ്ടി​ക്ക​പ്പെട്ട സമ്പ​ത്തിന്റെ 73 ശത​മാ​നവും ഒരു ശത​മാനം വരുന്ന ധനാ​ഢ്യർ കൈവ​ശ​പ്പെ​ടു​ത്തു​ക​യു​ണ്ടാ​യി. 2018 ലെ ഓക്‌സ്ഫാം റിപ്പോർട്ട് പറ​യു​ന്നത് രാജ്യത്തെ 50 ശത​മാനം ജന​ങ്ങ​ളു​ടെ കൈവ​ശ​മു​ള്ള​തിന്റെ തുല്യ​മാ​യത്ര സമ്പത്ത് ഒൻപത് കോടീ​ശ്വ​ര​ന്മാ​രുടെ പക്ക​ലു​ണ്ടെ​ന്നാ​ണ്. ഭീതി​ജ​ന​ക​മായ ഒരു അവ​സ്ഥാ​വി​ശേ​ഷ​മാ​ണി​ത്.ചെറു​കിട വായ്പ​കളെ പ്രോത്സാ​ഹി​പ്പി​ക്കു​കയും ആകെ ബാങ്ക് വായ്പ​യിൽ പകുതി തുക​യെ​ങ്കിലും കാർഷി​ക, ഇട​ത്തരം, ചെറു​കിട സംരം​ഭ​കർക്ക് അനു​വ​ദി​ക്കു​കയും ചെയ്യുന്ന നിബ​ന്ധന കർക്ക​ശ​മാ​ക്കി​യാൽ സമ്പദ് വ്യവസ്ഥയുടെ ഉണർവ് സാധ്യ​മാ​ക്കാ​മെ​ന്ന​താണ് യാഥാർത്ഥ്യം.

ബാങ്ക് ജീവ​ന​ക്കാ​രുടെ നിയ​മ​ന​ത്തിലും വലിയ പക്ഷ​പാ​തി​ത്വ​വും ജന​വി​രു​ദ്ധ​ത​യു​മാണ് നില​നിൽക്കു​ന്ന​ത്. ഉന്നത എക്‌സി​ക്യൂ​ട്ടീ​വു​കൾക്ക് ഉയർന്ന പ്രതി​ഫലം നൽകുമ്പോഴും ധൂർത്തും ആഢം​ബര ചിലവും സമർത്ഥ​മായി നിർവഹി​ക്കു​മ്പോഴും ബാങ്കു​ക​ളുടെ ലാഭ​മാണ് ക്ഷയി​പ്പി​ക്കു​ന്ന​ത്. എന്നാൽ, സ്വീപ്പർ, പ്യൂൺ, ക്ലാർക്ക് തസ്തി​ക​യിൽ ജീവ​ന​ക്കാരെ നിയ​മി​ക്കു​ന്ന​തിൽ കടുത്ത വിമു​ഖ​ത​യാണ് ബാങ്കു​കൾ കാണി​ക്കു​ന്ന​ത്. ഈ തസ്തി​ക​കളിൽ നിയമനം നടക്കാ​ത്തതു വഴി സാധാ​ര​ണ​ക്കാ​രുടെ തൊഴി​ല​വ​സ​ര​മാണ് ദാരു​ണ​മായി നിഷേ​ധി​ക്ക​പ്പെ​ടു​ന്ന​ത്. താൽക്കാലിക തൊഴി​ലാ​ളി​ക​ളേയും ഓഫീ​സർ വിഭാ​ഗ​ത്തേയും കൂടു​ത​ലായി നിയ​മി​ച്ചു​കൊണ്ട് അവരെ കൂലി അടി​മ​ക​ളാക്കി വെക്കുന്ന ഒരു തൊഴിൽ ചൂഷണ​മാണ് ബാങ്കു​ക​ളിൽ അവ​ലം​ബി​ച്ചു​വ​രു​ന്ന​ത്. ബാങ്ക് ഓഫീ​സർമാ​രിൽ കണ്ടു​വ​രുന്ന ആത്മ​ഹത്യാ പ്രവ​ണതയെ ഈയൊരു പശ്ചാ​ത്ത​ല​ത്തി​ലാണ് നോക്കി​ക്കാ​ണേ​ണ്ട​ത്. ബാങ്കു​ക​ളിൽ നില​നിൽക്കുന്ന വരേണ്യസ്വഭാ​വത്തെ ചെറു​ക്കാനും, തൊഴിൽ ചൂഷ​ണത്തെ പ്രതി​രോ​ധി​ക്കാനും തൊഴി​ലാളി സംഘ​ട​ന​ക​ളാണ് മുൻകൈ എടു​ക്കേ​ണ്ട​ത്. കോർപ്പ​റേറ്റ് കൊള്ള അവ​സാ​നി​പ്പി​ക്കുക, ജന​കീയ ബാങ്കിംഗ് സംര​ക്ഷി​ക്കുക എന്ന ആശയം ഏറെ കാലി​ക​പ്ര​സ​ക്തി​യുള്ള ഒന്നാ​ണ്. ഇന്ന് മുതൽ ജനുവരി 31 വരെ തിരു​വ​ന​ന്ത​പു​രത്ത് നട​ക്കുന്ന ബെഫി (ബാങ്ക് എംപ്ളോയീസ് ഫെഡറേഷൻ ഓഫ് ഇന്ത്യ)യുടെ ദേശീയ സമ്മേ​ളനം ഇത്തരം കാര്യ​ങ്ങൾ സവി​ശേ​ഷ​മായ ചർച്ചയ്ക്കും തീരു​മാ​ന​ങ്ങൾക്കും വിധേ​യമാക്കു​മെന്ന് തീർച്ച​യാ​ണ്.

ലേഖകൻ ബെഫിയുടെ സംസ്ഥാന പ്രസിഡന്റാണ് ഫോൺ : 9447268172