തിരുവനന്തപുരം: ജലഗതാഗത പദ്ധതി ഇല്ലാത്ത പുഴകളിൽ നിർമിക്കുന്ന പാലങ്ങളുടെ സമീപം ജലസേചനത്തിനും കുടിവെള്ള സംഭരണത്തിനുമായി തടയണകൾ നിർമിക്കാൻ പൊതുമരാമത്ത് വകുപ്പും ജല വിഭവ വകുപ്പും ചേർന്നു പദ്ധതി തയാറാക്കുമെന്ന് മന്ത്റി ജി. സുധാകരൻ നിയമസഭയിൽ പറഞ്ഞു. പാലങ്ങളുടെ നിർമാണത്തിനായി നടത്തുന്ന മണ്ണ് പരിശോധനകളുടെയും മ​റ്റും ഇൻവെസ്​റ്റിഗേഷൻ റിപ്പോർട്ടുകൾ ജലസേചന വകുപ്പിനും കൈമാറുമെന്നും കെ. കുഞ്ഞിരാമന്റെ സബ്മിഷനു മറുപടിയായി മന്ത്റി പറഞ്ഞു.

കൊട്ടാരക്കര ഐ.എച്ച്.ആർ.ഡി എൻജിനിയറിംഗ് കോളജിൽ ടെക്നോളജി സർവകലാശാലയുടെ ശുപാർശയുടെ അടിസ്ഥാനത്തിൽ നാല് എൻജിനിയറിംഗ് കോഴ്‌സുകൾ കൂടി ആരംഭിക്കുമെന്ന് മന്ത്റി കെ.ടി. ജലീൽ അറിയിച്ചു. അയിഷാപോ​റ്റിയുടെ സബ്മിഷനു മറുപടി നൽകുകയിരുന്നു മന്ത്റി.