തിരുവനന്തപുരം: കേന്ദ്ര സർക്കാരിന്റെ കാർഷിക നയങ്ങൾക്കെതിരെ ലോക്‌താന്ത്രിക് ജനതാദൾ (എൽ.ജെ.ഡി) സംസ്ഥാന കമ്മിറ്റിയുടെ ആഭിമുഖ്യത്തിൽ നാളെ രാവിലെ 11ന് രാജ്ഭവനി​ലേക്ക് കർഷകരുടെ മാർച്ച് നടത്തുമെന്ന് സംസ്ഥാന പ്രസിഡന്റ് എം.വി. ശ്രേയാംസ് കുമാർ പറഞ്ഞു. പ്രളയത്തി​ലുണ്ടായ നഷ്ടം പരിഹരിക്കാൻ പ്രത്യേക പാക്കേജ് നടപ്പാക്കുക, സർഫാസി നിയമം പിൻവലിക്കുക, കാർഷിക കടങ്ങൾ എഴുതിത്തള്ളുക, കർഷക പെൻഷൻ വർദ്ധിപ്പിക്കുക തുടങ്ങിയ ആവശ്യങ്ങളുന്നയിച്ച് നടത്തുന്ന മാർച്ച് എം.പി. വീരേന്ദ്രകുമാർ എം.പി ഉദ്ഘാടനം ചെയ്യും. കർഷകർ കെെയ്യൊപ്പ് വച്ച ഭീമൻഹർജി ഗവർണർക്ക് കെെമാറും.