മുടപുരം: ദേശീയ ആരോഗ്യ ദൗത്യത്തിന്റെ നേതൃത്വത്തിൽ ആശാ വർക്കർമാർക്ക് വീണ്ടും പരിശീലനം നൽകി. കിഴുവിലം, മുദാക്കൽ, വക്കം ഗ്രാമ പഞ്ചായത്തുകളിലേയും ആറ്റിങ്ങൽ മുനിസിപ്പാലിറ്റിയിലേയും ആശാ വൈക്കർമാർക്കായി വെഞ്ഞാറമൂട് സഫാരി ഹോട്ടലിൽ നടന്ന പരിശീലന പരിപാടിയുടെ ഉദ്ഘാടനം ചിറയിൻകീഴ് ബ്ലോക്ക് പഞ്ചായത്ത് പ്രസിഡന്റും ബ്ലോക്ക് പഞ്ചായത്ത് അസോസിയേഷൻ പ്രസിഡന്റുമായ ആർ. സുഭാഷ് ഉദ്‌ഘാടനം ചെയ്തു. ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ അഞ്ചുതെങ്ങ് സുരേന്ദ്രന്റെ അദ്ധ്യക്ഷതയിൽ വക്കം ആർ.എച്ച്.സി.അഡ്മിനിസ്ട്രേറ്റീവ് ഓഫീസർ ഡോ. ജീന രമേശ്, പെരുമാതുറ മെഡിക്കൽ ആഫീസർ ഡോ. അനോൾഡ് ദീപക്, പി.ആർ.ഒ. ഗിരിജ തുടങ്ങിയവർ സംസാരിച്ചു. വക്കം ആർ.എച്ച്.സിയിലെ എൽ.എച്ച്.ഐ ഉഷ സ്വാഗതവും മുദാക്കൽ ഹെൽത്ത് ഇൻസ്പെക്ടർ അനി നന്ദിയും പറഞ്ഞു.