ചേർത്തല: വിവിധ സ്വകാര്യ സ്ഥാപനങ്ങളുടേയും വ്യക്തികളുടേയും സംഘടനകളുടെയും സഹകരണത്തോടെ മാരാരിക്കുളം ജനമൈത്രി പൊലീസിന്റെ നേതൃത്വത്തിൽ സ്​റ്റേഷൻ പരിധിയിൽ നിരീക്ഷണ കാമറകൾ സ്ഥാപിക്കുന്ന പ്രവർത്തനത്തിൽ കിൻഡർ ആശുപത്രിയും പങ്കാളികളായി.

ആശുപത്രി നൽകുന്ന കാമറകൾ സീനിയർ ഓപ്പറേഷൻ മാനേജർ എൻ.ജിജേഷ് മാരാരിക്കുളം എ.എസ്.ഐ അനിൽകുമാറിന് കൈമാറി. റോഡ് സുരക്ഷയുടെ ഭാഗമായി കിൻഡർ നടത്തുന്ന വിവിധ പ്രവർത്തനങ്ങളുടെ തുടർച്ച എന്ന നിലയിൽ ഈ പദ്ധതിയിലും സ്ഥാപനം ഭാഗമാവുകയാണെന്ന് എൻ.ജിജേഷ് പറഞ്ഞു. മാർക്ക​റ്റിംഗ് ഓഫീസർ ഡി.ഹരികൃഷ്ണനും പൊലീസ് ഉദ്യോഗസ്ഥരും ചടങ്ങിൽ പങ്കെടുത്തു. സ്റ്റേഷൻ പരിധിയിലെ വിവിധ സ്ഥലങ്ങളിലായി 32 നീരീക്ഷണ കാമറകളാണ് സ്ഥാപിക്കുന്നത്.