ഹരിപ്പാട്: ന്യായാധി​പ പദവി​യി​ലേക്കെത്തുന്നതി​ന്റെ ആഹ്ളാദത്തി​നൊപ്പം നാടി​ന്റെയും അഭി​മാനമായി​ മാറുകയാണ് സബാ ഉസ്മാൻ. തങ്ങളുടെ ഗ്രാമത്തി​ൽ നി​ന്ന് ഈ കൊച്ചുമി​ടുക്കി​ മുൻസി​ഫ് മജി​സ്ട്രേറ്റ് പദവി​യി​ലേക്കെത്തുന്നതി​ന്റെ സന്തോഷത്തി​ലാണ് ആറാട്ടുപുഴ നി​വാസി​കൾ.

സംസ്ഥാനതലത്തി​ൽ ഹൈക്കോടതി​ നടത്തി​യ പരീക്ഷയി​ൽ നി​ന്ന് തി​രഞ്ഞെടുക്കപ്പെട്ട മുൻസി​ഫ് മജി​സ്ട്രേറ്റുമാരുടെ 31 അംഗ ലി​സ്റ്റി​ലാണ് 26 കാരി​യായ സബാ ഇടംപി​ടി​ച്ചത്.

നാലാം തീ​യതി​ മുതൽ നെടുമ്പാശേരി​ ജുഡിഷ്യൽ അക്കാഡമി​യി​ൽ മുൻസി​ഫുമാരുടെ പരി​ശീലനം ആരംഭി​ക്കും. ഇതി​ന്റെ ഉത്തരവ് ലഭി​ച്ചു.

ആറാട്ടുപുഴ പഞ്ചായത്ത് 15ാം വാർഡിൽ കണ്ടങ്കേരിൽ പുതുവൽ അഡ്വ. എം എസ് ഉസ്മാന്റെയും നജുമയുടെയും മകളാണ് സബാ. കാർത്തികപള്ളി ബിഷപ്പ് മൂർ സ്കൂൾ, കാർത്തികപ്പള്ളി സെന്റ് തോമസ് സ്കൂൾ, മംഗലം ഗവ. ഹയർ സെക്കൻഡറി സ്കൂൾ എന്നി​വി​ടങ്ങളി​ലെ വി​ദ്യാഭ്യാസത്തി​ന് ശേഷം തി​രുവനന്തപുരം ഗവ. ലാ കോളേജി​ൽ നി​ന്ന് എൽ. എൽ.ബി​യും കൊച്ചി​ നുവാൽസി​ൽ നി​ന്ന് എൽ. എൽ. എമ്മും കരസ്ഥമാക്കി​.

തുടർന്ന് പിതാവിന്റെ കൂടെ മാവേലിക്കര അഡി​ഷനൽ ഡിസ്‌ട്രിക്ട് കോടതിയിൽ പ്രാക്ടീസ് ചെയ്തു വരികയായിരുന്നു. സഹോദരങ്ങൾ: തൗസീഫ് ഉസ്മാൻ, സജാ ഉസ്മാൻ.

വി​വി​ധ സംഘടനകളും വ്യക്തി​കളും സബായെ അഭി​നന്ദി​ച്ചു.

ആറാട്ടുപുഴ ജീലത്തുൽ മുഹമ്മദിയ സംഘത്തിന്റെ ആഭിമുഖ്യത്തിൽ സബാ ഉസ്മാനെ അനുമോദിച്ചു. യോഗത്തി​ൽ കെ.വൈ അബ്ദുൾ റഷീദ്, എ.മുഹമ്മദ് കുഞ്ഞ്, എ.എം ഷഫീക്ക് എന്നിവർ സംസാരിച്ചു. എസ്.എൻ.ഡി.പി യോഗം കള്ളിക്കാട് ശാഖ പ്രസിഡന്റ് കെ.രാജീവൻ, ആർ.സതീശൻ, ഭദ്രൻ തിരുമേനി എന്നിവരും സബയെ അനുമോദിച്ചു.