ആലപ്പുഴ: വി.എം. സുധീരൻ തൃശൂർ സ്വദേശിയാണെങ്കിലും ആലപ്പുഴയുടെ സ്വന്തം എന്നാണ് വിശേഷണം. തിരഞ്ഞെടുപ്പ് വേദിയിലേക്കുള്ള 'സുധീര' പ്രവേശം ആലപ്പുഴയിൽ നിന്നായിരുന്നു. ഏറ്റവും കൂടുതൽ തവണ ലോക്സഭയിലേക്ക് ആലപ്പുഴയിൽ നിന്ന് വിജയിച്ചതും സുധീരനാണ്. അഞ്ച് തവണ മത്സരിച്ചതിൽ നാലിലും വിജയം. അപരനിലൂടെ അടിതെറ്റി വീണെങ്കിലും സുധീരന്റെ രാഷ്ട്രീയ ജീവിതത്തിൽ നിന്ന് ആലപ്പുഴയെ അകറ്റി നിറുത്താനാവില്ല.
1971 ൽ കെ.എസ്.യു പ്രസിഡന്റ്. 75ൽ യൂത്ത് കോൺഗ്രസ് പ്രസിഡന്റ്
സംസ്ഥാന നിയമസഭയിലേക്ക് മണലൂരിൽ നിന്ന് പലതവണ തിരഞ്ഞെടുക്കപ്പെട്ടതിന് കരുത്ത് പകർന്നത് ആലപ്പുഴയിലെ വിജയമായിരുന്നു. ഇ.ബാലാനന്ദനെ തോൽപ്പിച്ചതോടെ സുധീരൻ സ്റ്റാറായി. ആലപ്പുഴയുടെ ഹൃദയത്തുടിപ്പുകൾ അദ്ദേഹം കണ്ടറിഞ്ഞു. 1985 ൽ നിയമസഭാ സ്പീക്കർ, 91ൽ കെ.പി.സി.സി വൈസ് പ്രസിഡൻറ്, 95ൽ ആരോഗ്യമന്ത്രി... അങ്ങനെ തിളങ്ങി നിന്ന സുധീരൻ വീണ്ടും ആലപ്പുഴ പാർലമെൻറ് മണ്ഡലത്തിലേക്ക് കടന്നുവന്നു, ഇടതിൽ നിന്ന് മണ്ഡലത്തെ വലത്തേക്ക് തിരിക്കാൻ. അതും 15 വർഷങ്ങൾക്കുശേഷം.
സുധീരൻ ഇറങ്ങിയതോടെ മത്സരത്തിൻെറ ഗതിമാറി. സിറ്റിംഗ് എം.പി ടി.ജെ.ആഞ്ചലോസ് സുധീരനു മുന്നിൽ അടിതെറ്റി വീണു. മണ്ഡലം വീണ്ടും കോൺഗ്രസ് പക്ഷത്തേക്ക്. സുധീരനെ എങ്ങനെ തളയ്ക്കാം എന്ന ആലോചനയിലായി സി.പി.എം. 98ൽ സി.എസ്. സുജാതയെ ഇറക്കി. രക്ഷയില്ല. നിലംതൊടാതെ പൊട്ടി. വീണ്ടും
എന്നാൽ 'പകിട പകിട പന്ത്രണ്ടേ'
നിയമസഭാ മണ്ഡലാടിസ്ഥാനത്തിൽ നോക്കിയാൽ ചുവപ്പിനാണ് തിളക്കം കൂടുതൽ. പക്ഷേ, ലോക്സഭയിലെത്തുമ്പോൾ നേരെ തിരിയുന്നു. എന്താണ് ഇതിന്റെ മന:ശാസ്ത്രം. കവടി നിരത്തി കണ്ടുപിടിക്കാനാവാത്ത ഇക്കാര്യം ആലപ്പുഴ ഉള്ളിൽ ഒളിപ്പിക്കുന്ന പരമ രഹസ്യമാണ്.