ഹരിപ്പാട്: താലൂക്ക് ആശുപത്രിയിലെ മെയിൻ സർജിക്കൽ വാർഡിലെ ഗ്ളാസ് തല്ലിപ്പൊട്ടിച്ച യുവാവിനെ അറസ്റ്റ് ചെയ്തു. കണ്ടല്ലൂർ താച്ചയിൽ വീട്ടിൽ പ്രതീഷിനെയാണ് (32) ഹരിപ്പാട് പൊലീസ് അറസ്റ്റ് ചെയ്തത്. ചൊവ്വാഴ്ച വൈകിട്ടായിരുന്നു സംഭവം. ആശുപത്രിയിൽ ചികിത്സയിൽ കഴിയുന്ന സുഹൃത്തിനെ കാണാനെത്തിയ പ്രതീഷ് അയാളുമായി പിണങ്ങിയതിന്റെ പേരിലാണ് ഗ്ളാസ് തകർത്തത്. 20,000 രൂപയുടെ നഷ്ടം കണക്കാക്കുന്നു. ആശുപത്രി സൂപ്രണ്ടിന്റെ പരാതിയുടെ അടിസ്ഥാനത്തിലാണ് കേസെടുത്തത്. കോടതിയിൽ ഹാജരാക്കിയ ഇായളെ റിമാൻഡ് ചെയ്തു. കനകക്കുന്ന് സ്റ്റേഷനിലെ നിരവധി കേസുകളിലെ പ്രതിയാണ് പ്രതീഷെന്ന് പൊലീസ് പറഞ്ഞു.