പുൽവാമ ഭീകരാക്രമണത്തിന് തിരിച്ചടി നൽകി പാക് അതിർത്തി കടന്ന് ജയ്ഷെ ഭീകരക്യാമ്പുകൾ തകർത്ത ഇന്ത്യൻ വ്യോമസേനയുടെ ധീരതയെ ഭരണ, പ്രതിപക്ഷ പാർട്ടികൾ സ്വാഗതം ചെയ്തു. പ്രധാനമന്ത്രി നരേന്ദ്രമോദിക്കു കീഴിൽ രാജ്യം സുരക്ഷിതമെന്ന് ബി.ജെ.പി പ്രതികരിച്ചപ്പോൾ, പ്രതിപക്ഷം വ്യോമസേനയ്ക്ക് അഭിനന്ദനമർപ്പിച്ചു.

 ഇന്ത്യൻ വ്യോമസേനയെ സല്യൂട്ട് ചെയ്യുന്നു

- രാഹുൽ ഗാന്ധി,

കോൺഗ്രസ് അദ്ധ്യക്ഷൻ

 പുതിയ ഇന്ത്യയുടെ ഇച്ഛാശക്തിയും ദൃഢനിശ്ചയവും അടിവരയിടുന്നതാണ് വ്യോമസേന നടത്തിയ ആക്രമണം. സേനയുടെ ധീരതയെ അഭിനന്ദിക്കുന്നു. നരേന്ദ്രമോദിയുടെ നേതൃത്വത്തിൽ രാജ്യം സുരക്ഷിതവും ശക്തവുമാണ്.

അമിത് ഷാ,

ബി.ജെ.പി ദേശീയ അദ്ധ്യക്ഷൻ

 ഐ.എ.എഫ് എന്നാൽ ഇന്ത്യൻ അമേസിംഗ് ഫൈറ്റേഴ്സ് ആണ്

- മമതാ ബാനർജി

ബംഗാൾ മുഖ്യമന്ത്രി

 ഇന്ത്യൻ വ്യോമസേനയ്ക്ക് സല്യൂട്ട്

- അഖിലേഷ് യാദവ്,

സമാജ്‌ വാദി പാർട്ടി അദ്ധ്യക്ഷൻ

 ധീരതയെ സല്യൂട്ട് ചെയ്യുന്നു. പുൽവാമ ആക്രമണത്തിനു ശേഷം മാത്രമാണ് മോദി സൈന്യത്തിന് പൂർണ സ്വാതന്ത്ര്യം നൽകിയത്. നേരത്തേ നൽകിയിരുന്നെങ്കിൽ ഉറി, പത്താൻകോട്ട്, പുൽവാമ ദുരന്തങ്ങൾ ഒഴിവാക്കാമായിരുന്നു.

- മായാവതി

ബി.എസ്.പി അദ്ധ്യക്ഷ

 പാകിസ്ഥാന് തിരിച്ചടി നൽകാൻ സൈന്യത്തിന് പ്രധാനമന്ത്രി പൂർണ പിന്തുണ നൽകിയിരുന്നു. രാജ്യത്തിന്റെ സുരക്ഷയ്ക്ക് അനിവാര്യമായ നടപടിയാണിത്.

- പ്രകാശ് ജാവദേക്കർ

കേന്ദ്ര മന്ത്രി

ഇനിയെങ്കിലും പാകിസ്ഥാൻ പാഠം പഠിക്കണം.. ഇന്ത്യൻ സേനയുടെ ശക്തിക്കു മുന്നിൽ പിടിച്ചുനിൽക്കാൻ കഴിയില്ലെന്ന് മനസിലാക്കണം. സ്വന്തം മണ്ണിലെ ഭീകരവാദം ഇല്ലാതാക്കിയില്ലെങ്കിൽ അവർ പ്രത്യാഘാതം അനുഭവിക്കേണ്ടിവരും

- എ.കെ ആൻറണി

മുൻ പ്രതിരോധ മന്ത്രി