കൊച്ചി : മുൻ മുഖ്യമന്ത്രി ഉമ്മൻചാണ്ടിക്കെതിരെ നൽകിയ പീഡനപ്പരാതിയിൽ അന്വേഷണം ഫലപ്രദമല്ലെന്നാരോപിച്ച് സോളാർ കേസിലെ പ്രതി സരിത നൽകിയ ഹർജി ഹൈക്കോടതി തള്ളി. കേസിൽ അന്വേഷണം ഉൗർജ്ജിതമായി നടക്കുന്നെന്ന് സർക്കാർ ഹൈക്കോടതിയിൽ അറിയിച്ചു. തുടർന്നാണ് ഹർജി തള്ളിയത്. സോളാർ കമ്പനിയുടെ ചുമതലയുണ്ടായിരുന്ന സമയത്ത് സഹായിക്കാമെന്നു പറഞ്ഞ് ഉമ്മൻചാണ്ടി തന്നെ ഒൗദ്യോഗിക വസതിയിലേക്ക് വിളിച്ചുവരുത്തി പീഡിപ്പിച്ചെന്നാണ് ഹർജിക്കാരിയുടെ പരാതി.