രാജാക്കാട്: എസ്.എൻ.ഡി.പി യോഗം വനിതാ സംഘം രാജാക്കാട് യൂണിയന്റെ രണ്ടാമത് മേഖലാ സമ്മേളനം കുഞ്ചിത്തണ്ണി കുമാരനാശാൻ നഗറിൽ നടന്നു. യൂണിയൻ പ്രസിഡന്റ് എം.ബി. ശ്രീകുമാർ ഉദ്ഘാടനം ചെയ്തു. യൂണിയൻ വനിതാ സംഘം പ്രസിഡന്റ് ശ്യാമളാ സാജു അദ്ധ്യക്ഷത വഹിച്ചു. യോഗം അസി. സെക്രട്ടറി കെ.ഡി. രമേശ്, യൂണിയൻ വൈസ് പ്രസിഡന്റ് ജി. അജയൻ, സെക്രട്ടറി കെ.എസ്. ലതീഷ് കുമാർ, കൗൺസിലർമാരായ ആർ. അജയൻ, കെ.കെ. രാജേഷ്, എൻ.ആർ. വിജയകുമാർ, അഡ്വ. കെ.എസ്. സുരേന്ദ്രൻ, പഞ്ചായത്ത് കമ്മിറ്റി അംഗം കെ.ആർ. നാരായണൻ, സൈബർ സേന കേന്ദ്ര സമിതി വൈസ് ചെയർമാൻ ഐബി പ്രഭാകരൻ, യൂത്ത് മൂവ്‌മെന്റ് യൂണിയൻ പ്രസിഡന്റ് രഞ്ജിത്ത്, സെക്രട്ടറി സനൽകുമാർ, സൈബർ സേന ചെയർമാൻ ജോബി വാഴാട്ട് എന്നിവർ സംസാരിച്ചു. 'ശാന്തമായ മനസ് " എന്ന വിഷയത്തിൽ അനൂപ് വൈക്കവും 'ശ്രീ നാരായണ ദർശനം കുടുംബ ജീവിതത്തിൽ" എന്ന വിഷയത്തിൽ ബിജു പുളിക്കലേടേത്തും ക്ലാസെടുത്തു. ശാഖാ പ്രസിഡന്റുമാരും സെക്രട്ടറിമാരും ആശംസകളർപ്പിച്ചു. യൂണിയൻ വനിതാ സംഘം സെക്രട്ടറി സിന്ധു മനോഹരൻ സ്വാഗതവും വൈസ് പ്രസിഡന്റ് ജിജി ഹരിദാസ് നന്ദിയും പറഞ്ഞു. ആയിരത്തോളം വനിതകൾ പങ്കെടുത്തു.