നെടുങ്കണ്ടം: എസ്.എൻ.ഡി.പി യോഗം മലനാട്, നെടുങ്കണ്ടം യൂണിയനുകളുടെ സംയുക്താഭിമുഖ്യത്തിൽ മലനാട് യൂണിയന്റെ സ്ഥാപക നേതാവായിരുന്ന പച്ചടി ശ്രീധരനെ അനുസ്മരിച്ചു.

അദ്ദേഹത്തിൻ്റെ സ്മൃതിമണ്ഡപത്തിൽ പുഷ്പാർച്ചനയും സമൂഹപ്രാർത്ഥനയും നടന്നു. തുടർന്ന് നെടുങ്കണ്ടം യൂണിയൻ ആഡിറ്റോറിയത്തിൽ നടന്ന അനുസ്മരണ സമ്മേളനം മലനാട് യൂണിയൻ പ്രസിഡന്റ് ബിജു മാധവൻ ഉദ്ഘാടനം ചെയ്തു. പച്ചടി ശ്രീധര സ്മാരക നെടുങ്കണ്ടം യൂണിയൻ പ്രസിഡന്റ് സജി പറമ്പത്ത് അദ്ധ്യക്ഷത വഹിച്ചു.

മലനാട് യൂണിയൻ സെക്രട്ടറി വിനോദ് ഉത്തമൻ , യോഗം ഇൻസ്‌പെക്ടിംഗ് ഓഫീസർ പി.ആർ. മുരളീധരൻ എന്നിവർ മുഖ്യ പ്രഭാഷണം നടത്തി. മലനാട് യൂണിയൻ വൈസ് പ്രസിഡന്റ് വിധു എ.സോമൻ, കെ.എൻ. തങ്കപ്പൻ, ഷാജി പള്ളോലിൽ എന്നിവർ അനുസ്മരണ പ്രഭാഷണം നടത്തി. പച്ചടി ശ്രീധര സ്മാരക ധനസഹായ വിതരണം ലേഖ പച്ചടി ശ്രീധരൻ നിർവഹിച്ചു. നെടുങ്കണ്ടം യൂണിയൻ സെക്രട്ടറി സുധാകരൻ ആടിപ്ലായ്ക്കൽ സ്വാഗതം പറഞ്ഞു.