തലയോലപ്പറമ്പ് : എ.ജെ.ജോൺ മെമ്മോറിയൽ ഗവ.ഗേൾസ് ഹയർസെക്കൻഡറി സ്കൂളിലെ സ്റ്റുഡന്റ്സ് പൊലീസ് കേഡറ്റുകളുടെ പാസിംഗ് ഔട്ട് പരേഡ് നാളെ നടക്കും. രാവിലെ 7.30 ന് നടക്കുന്ന പരേഡിൽ വൈക്കം ഡിവൈ.എസ്.പി കെ.സുഭാഷ് പതാക ഉയർത്തി സല്യൂട്ട് സ്വീകരിക്കും. തലയോലപ്പറമ്പ് എസ്.എച്ച്.ഒ പി.എ.ഷെമീർഖാൻ മുഖ്യപ്രഭാഷണം നടത്തും. ഗ്രാമപഞ്ചായത്ത് പ്രസിഡന്റ് വി.ജി.മോഹനൻ സമ്മാനവിതരണം നിർവഹിക്കും. സ്കൂൾ പ്രിൻസിപ്പൽ കെ.ശ്രീകല, എച്ച്.എം തങ്കമണി വരപ്രാവത്ത്, പി.ടി.എ പ്രസിഡന്റ് എം.എ.അക്ബർ, സി.പി.ഒ ബെന്നി ജോൺ, എ.സി.പി.ഒ പി.കെ.ഉഷാകുമാരി തുടങ്ങിയവർ പ്രസംഗിക്കും. തുടർന്ന് സ്കൂൾ ആഡിറ്റോഡിയത്തിൽ നടക്കുന്ന അദ്ധ്യാപക - രക്ഷകർത്തൃ സമ്മേളനം സി.കെ.ആശ എം.എൽ.എ ഉദ്ഘാടനം ചെയ്യും. ജില്ലാ പഞ്ചായത്ത് അംഗം കലാ മങ്ങാട്ട് മുഖ്യപ്രഭാഷണം നടത്തും. ബ്ലോക്ക് പഞ്ചായത്തംഗം സി.എൻ.സന്തോഷ്, ഗ്രാമപഞ്ചായത്തംഗങ്ങളായ എം.അനിൽകുമാർ, ഷിജി വിൻസന്റ്, ഫയർസ്റ്റേഷൻ ഓഫീസർ പി.എൻ.അജിത്ത്കുമാർ, ഫോറസ്റ്റ് ഡിപ്പോ ഓഫീസർ ജി.രാധാകൃഷ്ണൻ, എക്സൈസ് പ്രവന്റീവ് ഓഫീസർ കെ.വി.ബാബു, വൈക്കം എ.എം വി.ഭരത്ചന്ദ്രൻ തുടങ്ങിയവർ പ്രസംഗിക്കും. എസ്.പി.സി കേഡറ്റ് കുമാരി നന്ദന നന്ദി പറയും. തുടർന്ന് കുട്ടികളുടെ വിവിധ കലാപരിപാടികൾ.