തിരുവനന്തപുരം: സി.​എം.പി സി.പി.എമ്മിൽ ലയിക്കുന്നു. ലയന സമ്മേളനം നാളെ കൊല്ല​ത്തു​ നട​ക്കും. സി.പി.​എം നേതാ​ക്ക​ളായ മുഖ്യമന്ത്രി പിണ​റായി വിജ​യൻ, കോടി​യേരി ബാല​കൃ​ഷ്ണൻ, സി.എം.പി നേതാ​ക്ക​ളാ​യ എൻ.​കെ.​ ക​ണ്ണൻ, എം.എ​ച്ച്.​ ഷാ​രി​യർ, പാട്യം​രാ​ജൻ, അഡ്വ.​ ജി. ​സു​ഗു​ണൻ, ടി.സി.​എ​ച്ച്.​ വി​ജ​യൻ, എൻ.​ വി​ജയൻപിള്ള എം.എൽ.എ തുട​ങ്ങിയവർ ലയ​ന​സ​മ്മേ​ള​ന​ത്തിൽ സംബ​ന്ധി​ക്കുമെന്ന് സി.എം.പി കേന്ദ്ര സെക്രട്ടേറിയറ്റ് അംഗം അഡ്വ. ജി. സുഗുണൻ പ്രസ്താവനയിൽ അറിയിച്ചു..

​എം.​വി.​ രാ​ഘ​വന്റെ നേതൃ​ത്വ​ത്തിൽ സി.​എം.പി രൂപീ​കൃ​ത​മാ​യിട്ട് മൂന്നേ​കാൽ പതി​റ്റാണ്ട് തിക​ഞ്ഞു. സി.​എം.പി രൂപീ​ക​രി​ച്ച കാലത്തെ കേരള രാഷ്ട്രീ​യ​മല്ല ഇപ്പോഴുള്ളത്.

ദേശീയ രാഷ്ട്രീ​യ​ത്തിൽ ഇട​ത്​-​മ​തേ​തര ശക്തി​ക​ളുടെ കട​മ​കൾ അടി​വ​ര​യിട്ട് ചൂണ്ടി​ക്കാ​ട്ടുന്ന ഒന്നാ​യി​രുന്നു സി.എം.പി യുടെ കോട്ട​യത്തു ചേർന്ന 9​ -ാം പാർട്ടി കോൺഗ്രസ് അംഗീ​ക​രിച്ച രാഷ്ട്രീയ പ്രമേ​യം. സാർവ​ദേ​ശീയ സാഹ​ച​ര്യ​ങ്ങൾ വില​യി​രു​ത്തി ഇടതുപക്ഷ പ്രസ്ഥാ​ന​ങ്ങൾ ശക്തി​പ്പെ​ടു​ത്തേ​ണ്ട​തി​ന്റെ​യും, കമ്മ്യൂ​ണിസ്റ്റ് ഐക്യവും, കമ്മ്യൂ​​ണിസ്റ്റ് ഏകീ​ക​ര​ണവും സാദ്ധ്യ​മാ​ക്കേ​ണ്ട​തി​ന്റെയും പ്രാധാന്യം ഈ പാർട്ടി കോൺഗ്രസ് അംഗീ​ക​രിച്ച രാഷ്ട്രീയ പ്രമേ​യ​ത്തിൽ എടു​ത്തു​പ​റ​ഞ്ഞിട്ടുണ്ട്. ദേശീയ രാഷ്ട്രീ​യ​ത്തിലും, സംസ്ഥാന രാഷ്ട്രീ​യ​ത്തിലും, മുഖ്യ​പാർട്ടി​ക​ളായ ബി.​ജെ.​പിയും കോൺഗ്രസും ഹിന്ദു​കാർഡ് ഉയർത്തി​പ്പി​ടി​ച്ചും ഹിന്ദു​പ്രീണന നയം അംഗീ​കരി​ച്ചും മുന്നോ​ട്ടു​പോ​കു​ക​യാ​ണ്.​ സങ്കീർണ​മായ ഇന്നത്തെ ദേശീയ രാഷ്ട്രീ​യ​ത്തിൽ ഇടതുപക്ഷ​ത്തിന് വലിയ കട​മ​കളുണ്ട്. ഈ കട​മ​കൾ ഏറ്റെ​ടു​ക്കാനും ഇടതുപക്ഷത്തെ നേർവ​ഴിക്ക് നയി​ക്കാനും സി.പി.​എമ്മിന് മാത്രമേ സാധി​ക്കു​ക​യുള്ളൂ. രാജ്യത്തെ മുഖ്യ കമ്മ്യൂ​ണിസ്റ്റ് പാർട്ടി എന്ന നില​യിൽ കമ്മ്യൂ​ണിസ്റ്റ് ഐക്യ​വും കമ്മ്യൂ​ണിസ്റ്റ് ഏകീ​ക​ര​ണവും സാദ്ധ്യമാ​ക്കുന്നതിന് നേതൃ​ത്വ​പ​ര​മായ പങ്കു​വ​ഹി​ക്കാൻ ഈ പാർട്ടിക്ക് കഴി​യുമെന്നും വിവിധ കമ്മ്യൂ​ണിസ്റ്റ് പാർട്ടി​ക​ളുടെ ഏകീ​ക​ര​ണ​ത്തിന് ലയനം നാന്ദി ​കു​റിക്കുമെന്നും അഡ്വ. ജി. സുഗുണൻ പ്രസ്താവനയിൽ പറഞ്ഞു.