ന്യൂഡൽഹി: പൊതുമേഖലാ സ്ഥാപനങ്ങളുടെ ഓഹരി വില്‌പനയിലൂടെ നടപ്പു സാമ്പത്തിക വർഷം 80,​000 കോടി രൂപ സമാഹരിക്കുകയെന്ന കഴിഞ്ഞ ബഡ്‌ജറ്റിലെ ലക്ഷ്യം കൈവരിക്കുക തന്നെ ചെയ്യുമെന്ന് ധനമന്ത്രി പീയുഷ് ഗോയൽ പറഞ്ഞു. മൊത്തം 13 ലക്ഷം കോടി രൂപ മൂല്യമുള്ള 57 കേന്ദ്ര പൊതുമേഖലാ സ്ഥാപനങ്ങൾ ലിസ്‌റ്ര് ചെയ്‌തു കഴിഞ്ഞു. 2018-19ൽ ഇതുവരെ പൊതുമേഖലാ ഓഹരി വില്‌പനയിലൂടെ നേടിയത് 35,​100 കോടി രൂപയാണ്.

റൈറ്ര്‌സ്,​ ഇർകോൺ ഇന്റർനാഷണൽ,​ ഗാർഡൻ റിസർച്ച് ഷിപ്പ് ബിൽഡേഴ്‌സ് എന്നിവ നടപ്പുവർഷം പ്രാരംഭ ഓഹരി വില്‌പനയിലൂടെ (ഐ.പി.ഒ)​ ഓഹരി വിപണിയിലെത്തി. 17,​000 കോടി രൂപയാണ് സി.പി.എസ്.ഇ ഇ.ടി.എഫിലൂടെ സമാഹരിച്ചത്. ഭാരത്-22 ഇ.ടി.എഫിലൂടെ 8,​300 കോടി രൂപയും ലഭിച്ചു. ഭെൽ,​ കൊച്ചി കപ്പൽശാല,​ നാൽകോ,​ എൻ.എൽ.സി ഇന്ത്യ എന്നിവ ഓഹരി തിരിച്ചുവാങ്ങാനും നടപടിയെടുത്തിട്ടുണ്ട്. കഴിഞ്ഞവർഷം പൊതുമേഖലാ ഓഹരി വില്‌പനയിലൂടെ ഒരുലക്ഷം കോടി രൂപയാണ് സർക്കാർ നേടിയത്.