ന്യൂഡൽഹി: ഇന്ത്യയിലേക്ക് നേരിട്ടുള്ള വിദേശ നിക്ഷേപം (എഫ്.ഡി.ഐ)​ നടപ്പു സാമ്പത്തിക വർഷം ഏപ്രിൽ - സെപ്‌തംബറിൽ 11 ശതമാനം ഇടിഞ്ഞുവെന്ന് കേന്ദ്ര വാണിജ്യകാര്യ മന്ത്രാലയം വ്യക്തമാക്കി. മുൻവർഷത്തെ സമാന കാലയളവിലെ 2,​535 കോടി ഡോളറിൽ നിന്ന് 2,​266 കോടി ഡോളറായാണ് നിക്ഷേപം കുറഞ്ഞത്. 491 കോടി ഡോളർ നിക്ഷേപം നേടിയ സേവന മേഖലയാണ് മുന്നിലുള്ളത്. സിംഗപ്പൂരാണ് ഇന്ത്യയിൽ ഇക്കാലയളവിൽ ഏറ്റവുമധികം നിക്ഷേപം നടത്തിയത്; 862 കോടി ഡോളർ. 388 കോടി ഡോളറുമായി മൗറീഷ്യസാണ് രണ്ടാമത്.