ല​ണ്ട​ൻ: അ​ർജന്റീനിയൻ യുവ ഫുട്ബാൾ താരം എ​മി​ലി​യാ​നോ സ​ല​ സഞ്ചരിച്ചിരുന്ന ചെറുവിമാനത്തിന്റെ അവശിഷ്ടങ്ങൾക്കിടയിൽ നിന്ന് ഒരു മൃതദേഹം കണ്ടെത്തി. സലയും പൈ​ല​റ്റ് ഡേ​വി​ഡ് ഇ​ബോ​ട്ട്സ​ണും സ​ഞ്ച​രി​ച്ച 'പൈ​പ്പ​ർ പി.​എ - 46 മാ​ലി​ബു' എ​ന്ന ചെ​റു​വി​മാ​ന​ത്തി​ന്റെ അവശിഷ്ടങ്ങൾക്കിടയിൽ നിന്ന് ഒരു മൃതദേഹം കണ്ടെത്തിയതായാണ് തെരച്ചിൽ സംഘം സ്ഥിരീകരിച്ചത്. ഇ​തോ​ടെ സ​ല ജീ​വി​ച്ചി​രി​ക്കാ​നുള്ള സാദ്ധ്യതയില്ലെന്ന് നിഗമനത്തിലാണ് തെ​ര​ച്ചി​ൽ സം​ഘം. മൃ​ത​ദേ​ഹം ക​ണ്ടെ​ത്തി​യ വി​വ​രം എ​യ​ർ ആ​ക്സി​ഡ​ന്റ് ഇ​ൻവെ​സ്റ്റി​ഗേ​റ്റിം​ഗ് വിഭാഗം തി​ങ്ക​ളാ​ഴ്ച രാ​വി​ലെ​യാ​ണ് സ്ഥി​രീ​ക​രി​ച്ച​ത്.

ഞാ​യ​റാ​ഴ്ച രാ​ത്രി​യോ​ടെയാണ് ഇം​ഗ്ലീ​ഷ് ചാ​ന​ലിന്റെ അ​ടി​ത്ത​ട്ടി​ൽ നി​ന്ന് വി​മാ​ന​ത്തി​ന്റെ ഭാ​ഗ​ങ്ങ​ൾ തെ​ര​ച്ചി​ൽ സം​ഘം ക​ണ്ടെ​ത്തിയത്. ക​ട​ലി​ന​ടി​യി​ലു​ള്ള വ​സ്തു​ക്ക​ൾ ക​ണ്ടെ​ത്തു​ന്ന​തി​നാ​യി ഉ​പ​യോ​ഗി​ക്കു​ന്ന അ​ണ്ടർ വാ​ട്ട​ർവെ​ഹി​ക്കിൾ ഉ​പ​യോ​ഗി​ച്ചാ​യി​രു​ന്നു തെ​ര​ച്ചി​ൽ. വി​മാ​നം ക​ണ്ടെ​ത്തി​യ​തു സം​ബ​ന്ധി​ച്ച്‌ സ​ർക്കാ​രി​നെ അ​റിയി​ച്ചി​ട്ടു​ണ്ട്. ഇ​രു​പ​ത്തെ​ട്ടു​കാ​ര​നാ​യ സ​ല​യും പൈ​ല​റ്റ് ഡേ​വി​ഡ് ഇ​ബോ​ട്സ​ണും ജീ​വ​നോ​ടെ​യു​ണ്ടാ​കാ​ൻ സാദ്ധ്യ​ത കു​റ​വാ​ണെ​ന്നും തെ​ര​ച്ചി​ൽ അ​വ​സാ​നി​പ്പി​ക്കു​കയാ​ണെ​ന്നും പൊലീ​സ് നേ​ര​ത്തെ അ​റി​യി​ച്ചി​രു​ന്നു.