കുട്ടനാടൻ മാർപാപ്പയ്ക്ക്ശേഷം ശ്രീജിത്ത് വിജയൻ സംവിധാനം ചെയ്യുന്ന പുതിയ ചിത്രത്തിൽ തിരക്കഥാകൃത്ത് ബിബിൻ ജോർജ് നായകനാകുന്നു. രാജമ്മ @ യാഹൂ എന്ന ചിത്രത്തിന്റെ നിർമ്മാതാവായ ഷൈൻ അഗസ്റ്റിനും യു.ജി .എം എന്റർടെയ്ൻമെന്റിന്റെ നിർമ്മാതാക്കളിൽ ഒരാളായ ആൽവിൻ ആന്റണിയും ചേർന്നാണ് ചിത്രം നിർമ്മിക്കുന്നത്. ധർമജൻ ബോൾഗാട്ടി, ശാന്തി കൃഷ്ണ , മല്ലികാ സുകുമാരൻ , ഇന്നസെന്റ് , രമേശ് പിഷാരടി, സലിംകുമാർ , സുനിൽ സുഖദ തുടങ്ങിയവരാണ് പ്രധാന താരങ്ങൾ. നായികയെ ഇതുവരെ തീരുമാനിച്ചിട്ടില്ല. മാർച്ചിലാണ് ചിത്രീകരണം ആരംഭിക്കുന്നത്. അരവിന്ദ് കൃഷ്ണയാണ് ഛായാഗ്രഹണം .
ഒരു പഴയ ബോംബ് കഥയ്ക്ക് ശേഷം ബിബിൻ ജോർജ് നായകനാകുന്ന ചിത്രം ഹാസ്യത്തിന്റെ മേമ്പൊടി ചേർത്ത ഒരു പ്രണയകഥയാണ് പറയുന്നത്. കോമഡി സ്റ്റാർസ് എന്ന പ്രോഗ്രാമിലൂടെ ശ്രദ്ധേയനായ ശശാങ്കനാണ് തിരക്കഥ ഒരുക്കുന്നത് . സംഭാഷണം ബിബിൻ ജോർജ്. എഡിറ്റിംഗ് ജോൺ ക്കുട്ടി. പ്രൊഡക് ഷൻ കൺട്രോളർ ബാദുഷ.