കൊച്ചി: കേരളത്തിലെയും തമിഴ്‌നാട്ടിലെയും സ്‌കൂളുകൾക്കായി വണ്ടർല ഏർപ്പെടുത്തിയ പരിസ്‌ഥിതി-ഊർജ സംരക്ഷണ അവാർഡുകൾ കൊച്ചിയിൽ നടന്ന ചടങ്ങിൽ ചലച്ചിത്രതാരം കലാഭവൻ ഷാജോൺ വിതരണം ചെയ്‌തു. വണ്ടർല ഹോളിഡേയ്‌സ് സ്ഥാപകൻ കൊച്ചൗസേപ്പ് ചിറ്രിലപ്പിള്ളി അദ്ധ്യക്ഷത വഹിച്ചു. വണ്ടർല ഹോളിഡേയ്‌സ് സി.എഫ്.ഒ ജേക്കബ് കുരുവിള, വണ്ടർല കൊച്ചി പാർക്ക് ഹെഡ് എം.എ. രവികുമാർ, എൻജിനിയറിംഗ് ഡി.ജി.എം വിന്നി കെ. തുടിയൻ, പരിസ്‌ഥിതി പ്രവർത്തകനും നാഷണൽ ടീച്ചേഴ്‌സ് അവാർഡ് ജേതാവുമായ ടി.എം. വർഗീസ് എന്നിവർ സംസാരിച്ചു.
ഒന്നാംസ്ഥാനം നേടിയ ഇടുക്കി അടിമാലിയിലെ വിശ്വദീപ്‌തി സി.എം.ഐ പബ്ളിക് സ്‌കൂൾ 50,000 രൂപയും രണ്ടാംസ്ഥാനക്കാരായ ഈറോഡ് ഭാരതി വിദ്യാഭവൻ മെട്രിക് എച്ച്.എസ്.എസ്., തൃശൂർ പാറമേക്കാവ് വിദ്യാമന്ദിർ എന്നിവ 25,000 രൂപയും മൂന്നാമതെത്തിയ ആലപ്പുഴ പാണാവള്ളി എം.എ.എം എൽ.പി.എസ്., എറണാകുളം കങ്ങരപ്പടി ഹോളി ക്രോസ് കോൺവെന്റ് സ്‌കൂൾ, തിരുവനന്തപുരം പാങ്ങോട് കെ.വി.യു.പി സ്‌കൂൾ എന്നിവ 15,000 രൂപയും കരസ്ഥമാക്കി. വിജയികളായ സ്‌കൂളുകൾക്ക് ക്യാഷ് അവാർഡിന് പുറമേ ട്രോഫിയും സർട്ടിഫിക്കറ്റും നൽകി.