തിരുവനന്തപുരം: ശബരിമലയിൽ ദർശനം നടത്തുന്ന ഭക്തരുടെ വിശ്വാസം അളക്കാനുള്ള അളവ് കോൽ കൈയിലുണ്ടോ എന്ന് സി.പി.എം നേതാവ് ആനത്തലവട്ടം അനന്ദൻ ചോദിച്ചു. ശബരിമലയിൽ ആചാരങ്ങളിൽ വിശ്വസമുള്ളവരാണ് അവിടെ പോകുന്നത്. അങ്ങനെ അവിടെ പോകുന്നവരെ കല്ലെറിയുന്നവർ എങ്ങനെയാണ് വിശ്വസികളാകുമെന്നും ആനത്തലവട്ടം അനന്ദൻ ചോദിച്ചു. ഒരു ചാനൽ ചർച്ചയിൽ പങ്കെടുക്കുന്നതിനിടെയാണ് അദ്ദേഹം ഇക്കാര്യം ചോദിച്ചത്.

'വിശ്വാസം ഇത്ര മീറ്ററെന്ന് കണ്ടെത്താനുള്ള അളവ് കോൽ ഇവരുടെ കയ്യിലുണ്ടോ ? അമ്പലത്തിൽ പോകുന്നവരെല്ലാം വിശ്വാസികളാണ്. വിശ്വാസികളല്ലാത്തവർ അമ്പത്തിൽ പോകില്ല. എല്ലാ വിശ്വാസികളും അമ്പലത്തിൽ പോകില്ല''- ആനത്തലവട്ടം ആനന്ദൻ പറഞ്ഞു.

എത്ര ഔൺസ് വിശ്വാസം ഉണ്ടെന്ന് തരംതിരിക്കാൻ ആർക്കാണ് അവകാശം കൊടുത്തിട്ടുള്ളത്. വിശ്വാസികളെ ആക്രമിക്കുന്നവരെയാണ് സർക്കാർ കൈകാര്യം ചെയ്തതെന്നും അദ്ദേഹം കൂട്ടിച്ചേർത്തു. 12 വർഷമായി കോടതിയിൽ വാദം നടക്കുന്നുണ്ട്. കോടതിയ്ക്ക് മനസിലായതിന്റെ ഫലമായാണ് ആചാരവും വിശ്വാസവും നിയമവും വന്നാൽ നിയമം പരിഗണിക്കാനാണ് കോടതി തീരുമാനിച്ചതെന്നും ആനത്തലവട്ടം ആനന്ദൻ പറഞ്ഞു.