കൊച്ചി: അധോലോക കുറ്റവാളി രവി പൂജാരി പി.സി ജോർജ് എം.എൽ.എയെ വിളിച്ചതിന്റെ തെളിവ് അന്വേഷണ ഏജൻസികൾക്ക് ലഭിച്ചു. സെനഗലിൽ നിന്ന് നാല് ഇന്റർനെറ്റ് കോൾ വന്നതായി കേന്ദ്ര ഏജൻസികൾ സ്ഥിരീകരിച്ചു. രവി പൂജാരി ഭീഷണിപ്പെടുത്തിയതായി പി.സി ജോർജ് കഴിഞ്ഞ ദിവസം വെളിപ്പടുത്തിയിരുന്നു. ആഫ്രിക്കയിൽ നിന്ന് നെറ്റ് കോൾ വഴി തനിക്കെതിരെ വധഭീഷണി വന്നിരുന്നുവെന്നാണ് പി.സി.ജോർജ് അറിയിച്ചിരുന്നത്. രവി പൂജാരിയാണ് തന്നെ ഭീഷണിപ്പെടുത്തിയതെന്ന് കാട്ടി പൊലീസിൽ പരാതി നൽകിയതായും അദ്ദേഹം അറിയിച്ചിരുന്നു. ഇക്കാര്യമാണ് ഇപ്പോൾ അന്വേഷണ സംഘം സ്ഥിരീകരിച്ചിരിക്കുന്നത്.

'ര​ണ്ടാ​ഴ്ച മു​മ്പ് ആ​ഫ്രി​ക്ക​യി​ൽ​നി​ന്ന് എ​നി​ക്ക് ഒ​രു നെ​റ്റ് കോ​ൾ വ​ന്നു. ആ​ദ്യം അ​യാ​ൾ നി​ങ്ങ​ൾ​ക്ക​യ​ച്ച സ​ന്ദേ​ശം വാ​യി​ച്ചി​ല്ലേ എ​ന്നു ചോ​ദി​ച്ചു. സ​മ​യം കി​ട്ടി​യി​​ല്ലെ​ന്ന് പ​റ​ഞ്ഞ​പ്പോ​ൾ താ​ൻ ര​വി പൂ​ജാ​രി​യാ​ണെ​ന്ന് അ​യാ​ൾ വെ​ളി​പ്പെ​ടു​ത്തി. പി​ന്നീ​ട് എ​ന്നെ​യും ര​ണ്ടു മ​ക്ക​ളി​ൽ ഒ​രാ​ളെ​യും ത​ട്ടി​ക്ക​ള​യു​മെ​ന്ന് ഭീ​ഷ​ണി​പ്പെ​ടു​ത്തി. നീ ​പോ​ടാ റാ​സ്ക​ൽ, നി​ന്റെ വി​ര​ട്ട​ൽ എ​ന്റെ അ​ടു​ത്ത് ന​ട​ക്കി​ല്ലെ​ടാ ഇ​ഡി​യ​റ്റ് എ​ന്ന് അ​റി​യാ​വു​ന്ന ഇം​ഗ്ലീ​ഷി​ൽ താ​നും മ​റു​പ​ടി പ​റ​ഞ്ഞു.-പി.സി ജോർജ് പറഞ്ഞു. സംഭവത്തിന് ശേഷം മുഖ്യമന്ത്രിക്കും, പൊലീസ് മേധാവിക്കും പി.സി ജോർജ് പരാതി നൽകിയിരുന്നു. ഇതിൽ അന്വേഷണം നടന്നുവരുന്നതിനാൽ സംഭവം പുറത്ത് പറഞ്ഞില്ലെന്നും പി.സി ജോർജ് പറയുന്നു. പൊലീസ് നിർദേശിച്ചത് അനുസരിച്ചാണ് മിണ്ടാതിരുന്നതെന്നും അദ്ദേഹം പറഞ്ഞു.

ന​ടി ലീ​ന മ​രി​യ പോ​ളി​ന്റെ ബ്യൂ​ട്ടി​പാ​ർ​ല​റി​ലെ വെ​ടി​വ​യ്‌പു​മാ​യി ബ​ന്ധ​പ്പെട്ട് ര​വി പൂ​ജാ​രി​യെ പ്ര​തി ചേ​ർ​ത്തി​ട്ടു​ണ്ട്. മൂ​ന്നാം പ്ര​തി​യാ​ണ് ര​വി. ബ്യൂട്ടിപാർലർ വെടിവയ്പ്പ് കേസിൽ സംഭവത്തിന് ശേഷം പ്രതികൾ മുംബയിലേക്ക് ഫോൺവഴി ബന്ധപ്പെടാൻ ശ്രമിച്ചതിന് തെളിവ് ലഭിച്ചതായി പൊലീസ് നേരത്തെ വെളിപ്പെടുത്തിയിരുന്നു. മുംബയിൽ രജിസ്റ്റർ ചെയ്‌തിട്ടുള്ള രണ്ട് നമ്പറുകളിൽ നിന്നുമാണ് കോളുകൾ പോയിട്ടുള്ളത്. സംഭവവുമായി ബന്ധപ്പെട്ട് മുംബയ് കേന്ദ്രീകരിച്ച് പൊലീസ് അന്വേഷണം ഊർജിതമാക്കി.

കുമ്മനത്തെ കേരളത്തിനു വേണം, ഗവർണർ സ്ഥാനത്തേക്ക് മറ്റൊരാളെ നോക്കണം: കേന്ദ്രത്തോട് ആർ.എസ്.എസ്