ചെന്നൈ: ഫെയർഫെസ്‌റ്ര് മീഡിയ സംഘടിപ്പിക്കുന്ന ടി.ടി.എഫ് സമ്മർ ടൂറിസം മേളയ്ക്ക് ചെന്നൈയിൽ തുടക്കമായി. ഫെബ്രുവരി പത്തുവരെ നീളുന്ന മേളയിൽ 19 സംസ്ഥാനങ്ങളിൽ നിന്നും എട്ട് രാജ്യങ്ങളിൽ നിന്നുമായി 125 എക്‌സിബിറ്റർമാ പങ്കെടുക്കുന്നുണ്ട്. പതിനായിരത്തിലേറെ സന്ദർശകരെയാണ് മേള പ്രതീക്ഷിക്കുന്നത്. ആതിഥേയരായ തമിഴ്‌നാടിന് പുറമേ കേരളം, ലക്ഷദ്വീപ്, ഒഡീഷ, ആന്ധ്രപ്രദേശ്, ഗോവ, ഗുജറാത്ത്, ഹിമാചാൽ തുടങ്ങിയ സംസ്ഥാനങ്ങൾ ഔദ്യോഗികമായി മേളയുടെ ഭാഗമാണ്.
ആൻഡമാൻ നിക്കോബാർ, ജമ്മു കാശ്‌മീർ, ഡൽഹി. കർണാടക, മേഘാലയ, ബംഗാൾ, ഉത്തർപ്രദേശ് തുടങ്ങിയവ സംസ്ഥാനങ്ങൾക്ക് പുറമേ നേപ്പാൾ, ഭൂട്ടാൻ, ജപ്പാൻ, മലേഷ്യ, സിംഗപ്പൂർ, ബ്രിട്ടൻ, ഗ്രീസ് തുടങ്ങിയ രാജ്യങ്ങളിൽ നിന്നും ടൂർ ഓപ്പറേറ്റർമാരും ഹോട്ടൽ ബ്രാൻഡുകളും മേളയിൽ പങ്കെടുക്കുന്നുണ്ട്. മികച്ച ടൂറിസം കേന്ദ്രങ്ങളും ഹോട്ടലുകളും ആകർഷകമായ പാക്കേജുകളും തിരഞ്ഞെടുക്കാനുള്ള അവസരമാണ് മേള നൽകുന്നത്.