മലപ്പുറം: ലോക്സഭാ തെരഞ്ഞെടുപ്പിൽ സിറ്റിംഗ് എം.എൽ.എമാർ മത്സരിക്കേണ്ടെന്ന ഹൈക്കമാൻഡ് തീരുമാനം സ്വാഗതം ചെയ്ത് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രൻ. ലോക്സഭാ തെരഞ്ഞെടുപ്പിനുള്ള കോൺഗ്രസ് സ്ഥാനാർത്ഥികളുടെ പട്ടിക ഫെബ്രുവരി 20 നും 25 നും ഇടയിൽ തയ്യാറാക്കും. സീറ്റ് വിഭജനവുമായി ബന്ധപ്പെട്ട് ഘടകകക്ഷികൾക്കിടയിൽ യാതൊരു പ്രശ്നങ്ങളുമില്ലെന്നും മുല്ലപ്പള്ളി പറഞ്ഞു.

ലോക്സഭാ തിരഞ്ഞെടുപ്പിൽ മുൻമുഖ്യമന്ത്രി ഉമ്മൻചാണ്ടി മത്സരിക്കുന്നത് നല്ലതാണെന്ന് ഹൈക്കമാൻഡിനെ അറിയിച്ചിരുന്നു. എന്നാൽ സിറ്റിംഗ് എം.എൽ.എമാർ വേണ്ടെന്നാണ് ഹൈക്കമാൻഡ് തീരുമാനം. ഉമ്മൻചാണ്ടിക്ക് മത്സരിക്കാൻ പറ്റിയില്ലെങ്കിലും കോൺഗ്രസിന്റെ ആവേശത്തിന് കുറവുണ്ടാകില്ലെന്നും ജനമഹായാത്രയുടെ മലപ്പുറം പര്യടനത്തിനിടെ മുല്ലപ്പള്ളി പറ‍ഞ്ഞു.

സി​റ്റിം​ഗ് എം​.പി​മാ​രി​ൽ മ​ത്സ​രി​ക്കാ​ൻ താ​ത്പ​ര്യ​മു​ള്ള​വ​ര്‍​ക്ക് സീ​റ്റ് ന​ൽകാനാണ് കോൺഗ്രസ് തീരുമാനം. ​ അ​ല്ലാ​ത്ത മ​ണ്ഡ​ല​ങ്ങ​ളി​ൽ ജ​യ​സാ​ദ്ധ്യ​ത​യു​ള്ള മൂ​ന്ന് പേ​രു​ടെ പ​ട്ടി​ക ഹൈ​ക്ക​മാ​ൻഡിന് സം​സ്ഥാ​ന കോ​ൺ​ഗ്ര​സ് നേ​തൃ​ത്വം ന​ൽകണം. നേ​തൃ​ത്വം ഈ പട്ടികയിൽ നിന്നായിരിക്കും സ്ഥാനാർത്ഥിയെ തി​ര​ഞ്ഞെ​ടു​ക്കുക. കോൺഗ്രസ് അദ്ധ്യക്ഷൻ രാ​ഹു​ൽ ഗാന്ധി വിളിച്ചുചേർത്ത പി​.സി​.സി അ​ദ്ധ്യക്ഷൻമാരുടെയും പാർട്ടി ജ​ന​പ്ര​തി​നി​ധി​ക​ളു​ടെ​യും യോ​ഗ​ത്തി​ലാ​ണ് സു​പ്ര​ധാ​ന തീ​രു​മാ​നം .

ഈ ​മാ​സം 25ന് ​മു​ൻപ് സ്ഥാ​നാർത്ഥി പ​ട്ടി​ക ഹൈ​ക്ക​മാ​ൻഡിന് സ​മ​ർപ്പിക്കാനാണ് പി.സി.സികൾക്ക് രാ​ഹു​ൽ നൽകി​യി​രി​ക്കു​ന്ന നി​ർ​ദ്ദേ​ശം. പി​.സി​.സി അ​ദ്ധ്യക്ഷൻമാർ മ​ത്സ​ര രം​ഗ​ത്തി​റ​ങ്ങേ​ണ്ട എ​ന്നാ​ണ് തീ​രു​മാ​ന​മെ​ങ്കി​ലും പാർട്ടി അ​ദ്ധ്യക്ഷന് ഇ​ക്കാ​ര്യ​ത്തി​ൽ ഉ​ചി​ത​മാ​യ മാ​റ്റ​ങ്ങ​ൾ വ​രു​ത്താം.