പുരുഷ ലക്ഷണമായാണു കഷണ്ടിയെ കണക്കാക്കുന്നതെങ്കിലും ഏതാണ്ട് 90 ശതമാനം പുരുഷന്മാരും അത് ഇഷ്ടപ്പെടുന്നില്ല. 35 വയസാകുമ്പോഴേക്കും മൂന്നിൽ രണ്ട് ഭാഗം പുരുഷന്മാർക്കും മുടികൊഴിച്ചിലാരംഭിക്കും. ഈ സമയത്ത് 85% പേരിലും മുടിയുടെ കട്ടി കുറയുന്നതായിട്ടാണ് പഠനങ്ങൾ വെളിപ്പെടുത്തുന്നത്. കഷണ്ടിയും സൗന്ദര്യമാണെന്ന് തിരിച്ചറിഞ്ഞാൽ തീരാവുന്നതേയുള്ളൂ ഈ പ്രശ്നങ്ങൾ. എന്നിരുന്നാൽ തലമുടിക്ക് നൽകണം അൽപ്പം കരുതൽ. തുടക്കത്തിലേ ശ്രദ്ധിച്ചാൽ ഒരു പരിധിവരെ കഷണ്ടിയെ ചെറുക്കാൻ സാധിക്കും.തലയോട്ടി എപ്പോഴും വൃത്തിയായി സൂക്ഷിക്കുക. ദൈർഘ്യമുള്ള യാത്രകൾ കഴിഞ്ഞാൽ കുളിക്കാനും തലയോട്ടി വൃത്തിയാക്കാനും ശ്രദ്ധിക്കണം. മുടിയഴകിനും മറ്റും പരസ്യത്തിൽ കാണുന്നവയെല്ലാം പരീക്ഷിക്കാതിരിക്കുക.

• കൃത്യമായ ഇടവേളകളിൽ മുടിവെട്ടുക
• മുടികൊഴിച്ചിൽ ഉള്ളവർ ദിവസവും പലതവണ മുടി ചീകരുത്. ഇതു കൊഴിച്ചിൽ വർധിപ്പിക്കും. മാത്രമല്ല മുടിയുടെ വളർച്ചയെ തടസപ്പെടുത്തുകയും ചെയ്യും.
• എല്ലാ ദിവസവും മുടി കഴുകുന്ന ശീലമാണ് അടുത്ത വില്ലൻ. എല്ലാ ദിവസവും മുടികഴുകുന്നത് മുടികൊഴിച്ചിൽ വർദ്ധിക്കാനും മുടിയുടെ ആരോഗ്യം ഇല്ലതാക്കാനും ഇടയാക്കും. അതുകൊണ്ട് തന്നെ ആഴ്ച്ചയിൽ മുന്ന് ദിവസം മാത്രം മുടി കഴുകുക.
• സ്ഥിരമായി ഒരേ കമ്പനിയുടെ ഉൽപ്പന്നങ്ങൾ മാത്രം മുടിയിൽ ഉപയോഗിക്കുക. എണ്ണ, ഷാമ്പു, കണ്ടീഷ്ണർ എന്നിവ.
• സ്ഥിരമായി തൊപ്പി ധരിക്കുന്നത് മുടികൊഴിച്ചിൽ വർധിപ്പിക്കും.
• പഴങ്ങൾ പാൽ ഉൽപ്പന്നങ്ങൾ കടൽമത്സ്യങ്ങൾ എന്നിവ കൂടുതലായി ഉപയോഗിക്കുക. ഇത് മുടിയുടെ വളർച്ച വേഗത്തിലാക്കുകയും മുടികൊഴിച്ചിൽ കുറയ്ക്കുകയും ചെയ്യും.