ന്യൂ​ഡ​ൽഹി: റാഫേൽ കരാറുമായി ബന്ധപ്പെട്ട് പ്രവർത്തിച്ച അ​ന്ന​ത്തെ ധ​ന​കാ​ര്യ സെ​ക്ര​ട്ട​റി​യാ​യ ഇ​പ്പോ​ഴ​ത്തെ സി.​എ.​ജി രാ​ജീ​വ് മെ​ഹർ​ഷി ഇ​തു​സം​ബ​ന്ധി​ച്ച അ​ന്വേ​ഷ​ണ റി​പ്പോ​ർ​ട്ട് ത​യാ​റാ​ക്കു​ന്ന​തിനെതിരെ കോ​ൺ​ഗ്ര​സ്. ആരോപണവിധേയൻ ത​ന്നെ അ​ന്വേ​ഷ​ണം ന​ട​ത്തി റി​പ്പോ​ർ​ട്ട് ന​ൽ​ക​രു​തെ​ന്ന് ആ​വ​ശ്യ​പ്പെ​ട്ട് സി.​എ.​ജി​ക്ക് രേ​ഖാ​മൂ​ലം ക​ത്തു നൽ​കി​യി​ട്ടു​ണ്ടെ​ന്ന് കോൺഗ്രസ് നേതാവും മുൻ കേ​ന്ദ്ര​മ​ന്ത്രി​യു​മാ​യ ക​പി​ൽ സി​ബൽ വാർത്താസമ്മേളനത്തിൽ പറഞ്ഞു. രാജീവ് മെഹർഷി മോദി സർക്കാരിനെ കുറ്റവിമുക്തമാക്കാൻ ശ്രമം നടത്തുന്നതായി വ്യക്തമായിട്ടുണ്ടെന്നും അദ്ദേഹം പറഞ്ഞു

2015ൽ ​റാഫേൽ കരാറുമായി ബന്ധപ്പെട്ട ചർ​ച്ച​ക​ളി​ൽ ധ​ന​സെ​ക്ര​ട്ട​റി​യെ​ന്ന നി​ല​യി​ൽ രാ​ജീ​വ് സ​ജീ​വ പ​ങ്കാ​ളി​യാ​യി​രു​ന്നു​വെ​ന്ന് ക​പി​ൽ സിബൽ ചൂ​ണ്ടി​ക്കാ​ട്ടി. നരേന്ദ്ര മോ​ദി സ​ർക്കാ​രി​ന്റെ കാ​ല​ത്ത് 2014 ഒ​ക്ടോ​ബ​ർ 24ന് ​കേ​ന്ദ്ര ധ​ന​സെ​ക്ര​ട്ട​റി​യാ​യി നി​യ​മി​ത​നാ​യ രാ​ജീ​വ് 2015 ഓ​ഗ​സ്റ്റ് 30 വ​രെ ഇ​തേ പ​ദ​വി​യി​ൽ തു​ട​ര്‍​ന്നു. 126ന് ​പ​ക​രം 36 റ​ഫാ​ല്‍ വി​മാ​ന​ങ്ങ​ള്‍ വാ​ങ്ങാ​നു​ള്ള പു​തി​യ ക​രാ​ർ ഫ്രാ​ൻ​സി​ൽ പോ​യി പ്രധാനമന്ത്രി നരേന്ദ്രമോ​ദി ഒ​പ്പു​വ​ച്ച​ത് ഇ​തേ കാ​ല​ത്താ​ണെ​ന്ന് ക​പിൽ സി​ബ​ൽ വി​ശ​ദീ​ക​രി​ച്ചു. ക​രാ​റി​ൽ പ​ങ്കാ​ളി​ത്തിമു​ള്ള ഒ​രാ​ൾ ത​ന്നെ അ​തേ ക​രാ​റി​ന്റെ ക്ര​മ​ക്കേ​ടു​ക​ളെ​ക്കു​റി​ച്ച്‌ എ​ങ്ങി​നെ​യാ​ണ് അ​ന്വേ​ഷി​ക്കു​ക​യെ​ന്ന് അദ്ദേഹം ചോ​ദി​ച്ചു.

റാഫേൽ കരാറിനെക്കുറിച്ചുള്ള സി​.എ​.ജി റി​പ്പോ​ർ​ട്ട് നാളെ രാഷ്ട്രപതിക്ക് സമർപ്പിക്കാനിരിക്കെയാണ് സി.​എ.​ജിക്കെതിരെ ഗുരുതര ആരോപണവുമായി കോൺഗ്രസ് രംഗത്തെത്തിയത്.