ന്യൂഡൽഹി: ചെെന അതിർത്തിയിൽ കാവൽ നിൽക്കുന്ന ഇന്ത്യൻ സെെന്യത്തിന് വേണ്ടി സർക്കാർ അത്യാധുനിക ആയുധങ്ങൾ വാങ്ങുന്നു. 72,​400 സി​ഗ് സോ​‌ർ തോക്കുകൾ വാങ്ങുന്നതിന് അമേരിക്കൻ കമ്പനിയുമായി ഇന്ത്യ കരാർ ഒപ്പിട്ടു. 700 കോടി രൂപ മുടക്കിയാണ് ഇന്ത്യൻ പ്രതിരോധ മന്ത്രാലയം ആയുധങ്ങൾ വാങ്ങിക്കുന്നത്.

സെെന്യം നിലവിൽ ഉപയോഗിച്ച് വരുന്നത് ഇന്ത്യ തദ്ദേശീയമായി നിർമ്മിച്ച ഇൻസാസ് തോക്കുകളാണ്. ഇതിന് പകരമായി സി​ഗ് സോ​‌ർ തോക്കുകൾ നൽകാണ് തീരുമാനം. അമേരിക്കയും മറ്റ് യൂറോപ്യൻ രാജ്യങ്ങളും മാത്രമേ സിഗ് സോർ ആയുധങ്ങൾ നിലവിൽ ഉപയോഗിക്കുന്നുള്ളു. പുതിയ ആയുധങ്ങൾ ഇന്ത്യൻ സെെന്യത്തിന് മുതൽകൂട്ടാണ്.

ഒരു വർഷത്തിനുള്ളിൽ തോക്കുകൾ കെെമാറുന്ന തരത്തിലാണ് കരാ‍ർ ഒപ്പിട്ടിരിക്കുന്നത്. തോ​ക്കു​ക​ൾ വാ​ങ്ങു​ന്ന​ത് സംബന്ധിച്ച് പ്ര​തി​രോ​ധ​മ​ന്ത്രി നി​ർ​മ​ല സീ​താ​രാ​മ​ൻ ക​ഴി​ഞ്ഞ മാ​സം അ​നു​മ​തി ന​ൽകി​യി​രു​ന്നു. 3600 കിലോമീറ്റർ ഇന്ത്യാ ചെെന അതിർത്തിയിൽ കാവൽ നിൽക്കുന്ന പട്ടാളക്കാർക്കാണ് ആദ്യഘട്ടത്തിൽ ആയുധങ്ങൾ നൽകുന്നത്.