വീട്ടുമുറ്റത്തുണ്ടെങ്കിലും പലർക്കും കറിവേപ്പിലയുടെ ഗുണങ്ങളെ പറ്റി കൃത്യമായ അറിവുണ്ടാകണമെന്നില്ല. കറികൾക്ക് ഉപയോഗിച്ച ശേഷം പുറന്തള്ളുന്ന കൂട്ടത്തിലാണ് പലപ്പോഴും കറിവേപ്പിലയുടെ സ്ഥാനം. എന്നാൽ ഇനി ഗുണം അറിഞ്ഞ് തന്നെ കഴിച്ചോളൂ.

കണ്ണുകളുടെ ആരോഗ്യത്തിനു കറിവേപ്പില ഉത്തമമാണ്. കറിവേപ്പിലയിട്ടു തിളപ്പിച്ച എണ്ണ മുടിയുടെ ആരോഗ്യത്തിനും വളർച്ചയ്ക്കും പ്രയോജന പ്രദം. അകാലനര തടയുന്നതിനും ഉത്തമം. മുടിയുടെ സ്വാഭാവിക നിറം നിലനിർത്താൻ സഹായിക്കുന്നു.

കറിവേപ്പില ചവച്ചരയ്ക്കുന്നതു ദന്തസംരക്ഷണത്തിന് നല്ലതാണ്. കറിവേപ്പില കുരു ചെറുനാരങ്ങാനീരിൽ അരച്ച് തലയിൽ തേച്ച് അര മണിക്കൂറിനു ശേഷം കുളിക്കുക. പേൻ, താരൻ എന്നിവ നിശേഷം ഇല്ലാതാകും. കറിവേപ്പിലയും മഞ്ഞൾപ്പൊടിയും കൂടി അരച്ച് കരിക്കിൻ വെള്ളത്തിൽ പ്രഭാതത്തിൽ കഴിക്കുന്നത് തൊലിപ്പുറമെയുണ്ടാകുന്ന എല്ലാവിധ കുരുക്കളും ശമിപ്പിക്കും.