വില്ലന്മാരെ അടിച്ചു പറപ്പിച്ച് കലിപ്പ് ലുക്കിൽ മമ്മൂട്ടി. മധുരരാജയുടെ മോഷൻ പോസ്റ്ററിലാണ് രാജയുടെ കാരക്ടർ അണിയറ പ്രവർത്തകർ പങ്കുവച്ചിരിക്കുന്നത്. 201ൽ പുറത്തിറങ്ങിയ സൂപ്പർഹിറ്റ് ചിത്രം പോക്കിരിരാജയുടെ രണ്ടാംഭാഗമാണ് മധുരരാജ. തമിഴ് താരം ജയ്, മമ്മൂട്ടിക്കൊപ്പം ഒരു മുഴുനീള കഥാപാത്രമായി ചിത്രത്തിലെത്തുന്നു. ജഗപതി ബാബുവാണ് വില്ലനായി എത്തുന്നത് .

100 കോടി ക്ലബിൽ ഇടം നേടിയ പുലിമുരുകന് ശേഷം വൈശാഖ്-ഉദയകൃഷ്ണ-പീറ്റർ ഹെയ്ൻ ടീം വീണ്ടും ഒന്നിക്കുന്ന ചിത്രമാണ് മധുരരാജ. ബോളിവുഡ് താരം സണ്ണി ലിയോണിന്റെ ഐറ്റം ഡാൻസും ചിത്രത്തിന്റെ പ്രത്യേകതയാണ്.

അനുശ്രീ, മഹിമ നമ്പ്യാർ , ഷംന കാസിം എന്നിവരാണ് നായികമാർ. ഷാജി കുമാറാണ് ഛായാഗ്രഹണം, സംഗീതം ഗോപി സുന്ദർ, ഒരേ സമയം മലയാളം , തമിഴ് , തെലുങ്ക് ഭാഷകളിൽചിത്രം റിലീസിനെത്തും.ഏപ്രിൽ പത്തിന് വിഷു റിലീസായാണ് ചിത്രം തിയേറ്ററുകളിൽ എത്തുന്നത്.