മോഹൻലാലിനെ നായകനാക്കി പൃഥ്വിരാജ് ഒരുക്കുന്ന ലൂസിഫറിനു വേണ്ടിയുള്ള കാത്തിരിപ്പിലാണ് ആരാധകർ. മുരളി ഗോപിയുടെ തിരക്കഥയും മജ്ഞു വാര്യർ, വിവേക് ഒബ്‌റോയി, ടൊവിനോ തോമസ് തുടങ്ങിയ വമ്പൻ താരനിരയും പ്രേക്ഷകന്റെ ആവേശം ഇരട്ടിയാക്കുകയാണ്. എന്നാൽ പൃഥ്വിക്ക് മുന്നിൽ 'ഭീഷണി'യുടെ സ്വരമുയർത്തിയിരിക്കുകയാണ് ഭാര്യ സുപ്രിയ. ഇനിയും സംവിധാനമെന്നു പറഞ്ഞിറങ്ങിയാൽ മകൾ അലംകൃതയേയുമെടുത്ത് താൻ മുംബയ്‌ക്കു പോകുമെന്നാണ് സുപ്രിയയുടെ പരാതി.
'ഇനി സംവിധാനമെന്നു പറഞ്ഞിറങ്ങിയാൽ ഞാനും ആലിയും (അലംകൃത) മുംബയിലേക്ക് തിരിച്ചു പോകും. എട്ടുമാസമായി വീട്ടിൽ നിന്നും ഇറങ്ങിയിട്ട്. സ്ക്രിപ്‌റ്റും ചർച്ചകളുമായി എപ്പോഴും തിരക്ക്. തലയിലും മുഖത്തുമെല്ലാം നര വീണു. കുറച്ചു ദിവസം തിരക്കുകളൊന്നുമില്ലാതെ ആലിയുടെ അച്ഛനായി വീട്ടിൽ തന്നെ ഇരിക്കണം'- ഒരു പ്രമുഖ മാസികയ്‌ക്കു നൽകിയ അഭിമുഖത്തിലായിരുന്നു സുപ്രിയയുടെ പ്രതികരണം.