മലയാള സിനിമയുടെ ഹാസ്യതാരം ജഗതി ശ്രീകുമാറിന്റെ പേരിൽ തുടങ്ങിയരിക്കുന്ന ഫേസ്ബുക്ക് അക്കൗണ്ട് വ്യാജമാണെന്ന് മകൾ പാർവതി. ജഗതിക്ക് നിലവിൽ ഒഫീഷ്യലായി ഫേസ്ബുക്ക് അക്കൗണ്ടുകൾ ഇല്ലെന്നും പാ‌ർവതി വ്യക്തമാക്കി. ജഗതിയെക്കുറിച്ച് വ്യാജ അക്കൗണ്ടിൽ പ്രചരിക്കുന്ന വാർത്തകൾ വ്യാജമാണ്. അതുകൊണ്ട് ഇത്തരം വ്യാജ അക്കൗണ്ടുകളും ,ഇതിൽ വരുന്ന വാർത്തകളും പ്രോത്സാഹിപ്പിക്കരുതെന്നും പാർവതി പറഞ്ഞു. തന്റെ ഫേസ്ബുക്കിലൂടെയാണ് ഇക്കാര്യം വ്യക്തമാക്കിയത്.

ഫേസ്ബുക്ക് പോസ്റ്റിന്റെ പൂർണരൂപം

എല്ലാവർക്കും നമസ്കാരം.

പ്രമുഖ വ്യക്തികളുടെ പേരിൽ വ്യാജ അക്കൗണ്ട് ഉണ്ടാക്കൽ ഒരു തമാശ ആയി മാറിയിരിക്കുകയാണ്. ഇതാ ഇപ്പോൾ പപ്പയുടെ പേരിലും ഒത്തിരി വ്യാജ അക്കൗണ്ടുകൾ ഫേസ്ബുക്കിൽ കണ്ടുതുടങ്ങി. ഒപ്പം ഇതിലെ വ്യാജ വാർത്തകളും..,ഈ താഴെ കൊടുത്തിരിക്കുന്ന അക്കൗണ്ടും ഇതിലെ വാർത്തകളും വ്യാജമാണ്.പപ്പക്ക് നിലവിൽ ഫേസ്ബുക്കിൽ ഒഫീഷ്യൽ ആയി അക്കൗണ്ട് ഒന്നും തന്നെ ഇല്ല .അതുകൊണ്ട് ദയവുചെയ്ത് ഇതുപോലത്തെ വ്യാജ അക്കൗണ്ടുകളും ,ഇതിൽ വരുന്ന വ്യാജ വാർത്തകളും പ്രോത്സാഹിപ്പിക്കാതിരിക്കാൻ കഴിവതും പപ്പയെ സ്നേഹിക്കുന്ന എല്ലാവരും ശ്രമിക്കുമല്ലോ ...
Thank you...