ന്യൂഡൽഹി : രാജ്യത്തെ പത്തു ലക്ഷം ആദിവാസികളെ വനത്തിൽ നിന്ന് ഒഴിപ്പിക്കാൻ സുപ്രീംകോടതി ഉത്തരവിട്ടു. വനാവകാശ നിയമത്തിന്റെ പരിരക്ഷ ലഭിക്കാൻ അർഹതയില്ലെന്ന് ചൂണ്ടിക്കാട്ടി അപേക്ഷകൾ നിരസിക്കപ്പെട്ട ആദിവാസികളെയാണ് ഒഴിപ്പിക്കേണ്ടത്. കേരളത്തിലെ 894 ആദിവാസി കുടുംബങ്ങളെയും ഉത്തരവനുസരിച്ച് വനത്തിൽ നിന്നും ഒഴിപ്പിക്കേണ്ടി വരും. ജൂലായ് 27 നു മുൻപ് ആദിവാസി കുടുംബങ്ങളെ ഒഴിപ്പിച്ച ശേഷം സംസ്ഥാന സർക്കാരുകൾ റിപ്പോർട്ട് സമർപ്പിക്കണമെന്നും സുപ്രീം കോടതി ഉത്തരവിട്ടു.

വനാവകാശ നിയമം ചോദ്യം ചെയ്തുള്ള ഹർജികളിലാണ് ജസ്റ്റിസ് അരുൺ മിശ്ര അദ്ധ്യക്ഷനായ ബെഞ്ചിന്റെ ഉത്തരവ്. ആ​ദി​വാ​സി​ക​ൾ​ക്ക്​ വ​ന​ഭൂ​മി​യി​ൽ അ​വ​കാ​ശം ന​ൽ​കാ​ൻ 2006ൽ ​യു.​പി.​എ സ​ർ​ക്കാ​ർ കൊ​ണ്ടു​വ​ന്ന വ​നാ​വ​കാ​ശ നി​യ​മ​ത്തി​​ന്റെ സാ​ധു​ത​ക്കെ​തി​രെ ഏ​താ​നും വ​ന്യ​ജീ​വി സം​ര​ക്ഷ​ണ സം​ഘ​ട​ന​ക​ൾ സ​മ​ർ​പ്പി​ച്ച ഹർ​ജി​യി​ലാ​ണ്​ സു​പ്രീം​കോ​ട​തി ഉ​ത്ത​ര​വ്. പ​ര​മ്പ​രാ​ഗ​ത​മാ​യി വ​ന​ഭൂ​മി കൈ​വ​ശം വെ​ച്ചി​രി​ക്കു​ന്ന മു​ഴു​വ​ൻ ആ​ളു​ക​ളെ​യും വ​ന​ഭൂ​മി​യി​ൽ നി​ന്ന്​ പു​റത്താക്കണമെന്ന് ഹർജി​യി​ൽ​ ആ​വ​ശ്യ​പ്പെ​ട്ടി​രു​ന്നു. കേ​സ്​ ഇൗ ​മാ​സം 13ന്​ ​ഏ​റ്റ​വും ഒ​ടു​വി​ൽ പ​രി​ഗ​ണി​ച്ച​പ്പോ​ഴും കേ​ന്ദ്ര സ​ർ​ക്കാ​ർ അ​ഭി​ഭാ​ഷ​ക​ൻ ഹാ​ജ​രാ​കാ​തെ ഒ​ളി​ച്ചു​ക​ളി​ച്ച​താ​ണ്​ ​പു​തി​യ ഉ​ത്ത​ര​വി​ൽ ക​ലാ​ശി​ച്ച​ത്.

കേരളത്തിൽ 39,999 ആദിവാസി കുടുംബങ്ങളാണ് വനാവകാശ നിയമത്തിന്റെ പരിരക്ഷയ്ക്കായി അപേക്ഷ നൽകിയത്. ഈ അപേക്ഷകളിൽ 894 കുടുംബങ്ങൾ പരിരക്ഷയ്ക്ക് അർഹരല്ലെന്ന് കണ്ടെത്തി. അടുത്ത വാദം കേൾക്കലിന് മുൻപ് ഇവരെ വനത്തിൽ നിന്നും ഒഴിപ്പിക്കണമെന്ന് സുപ്രീം കോടതി ഉത്തരവിൽ പറയുന്നു. വനാവകാശ പരിരക്ഷയ്ക്ക് അർഹരല്ലെന്ന് കണ്ടെത്തിയിട്ടും എന്തുകൊണ്ട് ഈ 894 കുടുംബങ്ങളെ യഥാസമയം ഒഴിപ്പിച്ചില്ലെന്ന് ചീഫ് സെക്രട്ടറി വ്യക്തമാക്കണമെന്നും സുപീം കോടതി നിർദേശിച്ചു