ചെന്നൈ: പ്രീമീയം ബ്രാൻഡ് ല്യൂബ്രിക്കന്റ് മേഖലയിലെ പ്രമുഖരായ വാൽവോലൈൻ ക്യുമിൻസ് 100 ദശലക്ഷം ലിറ്റർ വില്‌പനയെന്ന റെക്കാഡ് നേട്ടം കൈവരിച്ചു. അമേരിക്കൻ കമ്പനിയായ വാൽവോലൈനിന്റെയും ഇന്ത്യൻ സ്ഥാപനമായ ക്യുമിൻസിന്റെയും സംയുക്ത സംരംഭമാണിത്. ഇന്ത്യയിൽ 20 വർഷത്തിനുള്ളിലാണ് ഈ നേട്ടം സ്വന്തമാക്കിയതെന്ന് വാൽവോലൈൻ ക്യുമിൻസ് സി.ഇ.ഒ സന്ദീപ് കാലിയ പറഞ്ഞു.
ല്യൂബ്രിക്കന്റ്‌സ്, ഗ്രീസ്, അനുബന്ധ ഉത്‌പന്നങ്ങൾ എന്നിവയുടെ നിർമ്മാണം, വിതരണം, വില്‌പന എന്നിവയാണ് കമ്പനി ചെയ്യുന്നത്. ക്യുമിൻസുമായുള്ള ആഗോള ടെക്‌നിക്കൽ പങ്കാളിത്തത്തിന്റെ വിജയം കൂടിയാണ് ഈ നേട്ടമെന്ന് വാൽവോലൈൻ സീനിയർ വൈസ് പ്രസിഡന്റ് ക്രേഗ് മോഗ്ളർ പറഞ്ഞു. ബാറ്ററി സിസ്‌റ്രം, ഫ്യുവൽ സിസ്‌റ്രം, കൺട്രോൾസ്, എയർ ഹാൻഡ്‌ലിംഗ്, ഫിൽട്രേഷൻ, എമിഷൻ സൊല്യൂഷൻസ്, ഇലക്‌ട്രിക്കൽ പവർ ജനറേഷൻ സിസ്‌റ്രം എന്നീ അനുബന്ധ സാങ്കേതിക മേഖലയിലും ക്യുമിൻസിന് സാന്നിദ്ധ്യമുണ്ട്. 190 രാജ്യങ്ങളിൽ സാന്നിദ്ധ്യമുള്ള കമ്പനിക്ക് ഇന്ത്യയിൽ 7,500 ഡിസ്‌ട്രിബ്യൂട്ടർമാരുണ്ട്.