മൈസുരു: ബന്ദിപ്പൂർ കടുവാ സംരക്ഷണ കേന്ദ്രത്തിലുണ്ടായ തീപിടിത്തം കെടുത്താനായില്ല.വ്യാഴാഴ്ചയാണ് തീപിടുത്തമുണ്ടായത്. രണ്ടു ദിവസമായി ഫയർ ഫോഴ്സ് ഉദ്യോഗസ്ഥർ തീ അണയ്ക്കാൻ ശ്രമിക്കുന്നുണ്ടെങ്കിലും കാറ്റ് ശക്തമായി വീശുന്നതിനാൽ കെടുത്താനായില്ല. നൂറുക്കണക്കിന് ഏക്കർ പ്രദേശങ്ങൾ ഇതിനോടകം നശിച്ചു. തീ അണയ്ക്കാൻ ഇനിയും രണ്ട് ദിവസം കൂടി വേണമെന്നാണ് ഉദ്യോഗസ്ഥർ പറയുന്നത്. വനം വകുപ്പിലേയും ഫയർഫോഴ്സിലേയും നൂറുക്കണക്കിന് ഉദ്യോഗസ്ഥരാണ് തീ നിയന്ത്രണ വിധേയമാക്കാൻ പരിശ്രമിക്കുന്നത്. പ്രദേശവാസികളും ഒപ്പമുണ്ട്.