തിരുവനന്തപുരം: കാസർകോട് പെരിയയിൽ യൂത്ത് കോൺഗ്രസ് പ്രവർത്തകർ കൊല്ലപ്പെട്ട സംഭവം അന്വേഷിക്കുന്നതുമായി ബന്ധപ്പെട്ട് നിലനിൽക്കുന്ന ആക്ഷേപങ്ങൾ പരിശോധിക്കുമെന്ന് സംസ്ഥാന പൊലീസ് മേധാവി ഡി.ജി.പി ലോക്നാഥ് ബെഹ്റ അറിയിച്ചു. കൊലയ്ക്ക് പിന്നിലെ രാഷ്ട്രീയം നോക്കിയല്ല, ശാസ്ത്രീയമായും പ്രൊഫഷണലുമായ അന്വേഷണമാണ് പൊലീസ് നടത്തുകയെന്നും അദ്ദേഹം കൂട്ടിച്ചേർത്തു.
അതേസമയം, ക്രൈംബ്രാഞ്ച് അന്വേഷണം ഏറ്റെടുക്കുന്നതിന്റെ ഭാഗമായി എസ്‌.പി മുഹമ്മദ് റഫീഖും ഡി.വൈ.എസ്‌.പി പ്രദീപും അന്വേഷണ ഉദ്യോഗസ്ഥരുമായി ചർച്ചനടത്തി. ഫയലുകൾ ഉടൻ ക്രൈംബ്രാഞ്ചിന് കൈമാറും.
എന്നാൽ പെരിയ ഇരട്ടക്കൊലക്കേസിൽ സി.ബി.ഐ അന്വേഷണം ആവശ്യപ്പെട്ട് കോൺഗ്രസ് കോടതിയെ സമീപിക്കാനാണ് ശ്രമിക്കുന്നത്. അതിനിടെ പെരിയയിലെ കോൺഗ്രസ് ബ്ലോക്ക് കമ്മിറ്റി പ്രസിഡന്റ് രാജൻ പെരിയയുടെ വീടിന് ഒരുസംഘം തീവച്ചു. കോഴിക്കോട്ടും കോൺഗ്രസ് ഓഫീസ് കത്തിച്ചു.