ആലപ്പുഴ: മരുന്നിന്റെ പേരിൽ രോഗികളെ കൊള്ളയടിക്കാൻ അനുവദിക്കില്ലെന്ന് മന്ത്രി ഇ.പി. ജയരാജൻ പറഞ്ഞു. കേരള സ്റ്റേറ്റ് ഡ്രഗ്‌സ് ആൻഡ് ഫാർമസ്യൂട്ടിക്കൽസ് അങ്കണത്തിൽ നിർമ്മിച്ച നോൺ ബീറ്റാ ലാക്‌ടം പ്ലാന്റിന്റെ ഉദ്ഘാടന ചടങ്ങിൽ അദ്ധ്യക്ഷത വഹിക്കുകയായിരുന്നു അദ്ദേഹം. പ്ലാന്റ് മുഖ്യമന്ത്രി പിണറായി വിജയൻ ഉദ്ഘാടനം ചെയ്തു.
ബ്ലിസ്റ്റർ ആൻഡ് കാർട്ടനേറ്റർ പ്ലാന്റ് മന്ത്രി ജയരാജൻ ഉദ്ഘാടനം ചെയ്തു. അവയവ മാറ്റിവയ്‌ക്കൽ ശസ്ത്രക്രിയയ്‌ക്ക് വിധേയരായ രോഗികൾക്കുള്ള മരുന്നുകൾ സൗജന്യമായി നിർമ്മിച്ചു നൽകുന്ന കെ.എസ്.ഡി.പി ട്രാൻസ് പ്ലാന്റ് മെഡിസിൻ ലോഞ്ചിംഗ് മന്ത്രി ജി. സുധാകരൻ നിർവഹിച്ചു. നോൺ ബീറ്റാലാക്ടം ഇൻജക്ഷൻ പ്ലാന്റ് നിർമ്മാണം മന്ത്രി ടി.എം. തോമസ് ഐസക് ഉദ്ഘാടനം ചെയ്തു.
കെ.എസ്.ഡി.പി ചെയർമാൻ സി.ബി. ചന്ദ്രബാബു, യു. പ്രതിഭ എം.എൽ.എ, ജില്ല പഞ്ചായത്ത് പ്രസിഡന്റ് ജി. വേണുഗോപാൽ, ജില്ലാ കളക്ടർ എസ്. സുഹാസ്, പ്ലാനിംഗ് ബോർഡ് മെമ്പർ ഡോ. ബി. ഇക്ബാൽ, റിയാബ് ചെയർമാൻ എൻ. ശശിധരൻ നായർ, ഡോ. എസ്.ആർ. ദിലീപ് കുമാർ, ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി അദ്ധ്യക്ഷൻ കെ.ടി. മാത്യു, ജനപ്രതിനിധികളായ ജുമൈലത്ത്, ഷീന സനൽകുമാർ, എൻ.പി. സ്‌നേഹജൻ, ഇന്ദിര തിലകൻ, കവിത ഹരിദാസ്, കെ.എസ്.ഡി.പി മാനേജിംഗ് ഡയറക്ടർ എസ്. ശ്യാമള, കയർബോർഡ് മുൻ ചെയർമാൻ ആർ. നാസർ എന്നിവർ സംസാരിച്ചു.