കുമ്പളങ്ങി നൈറ്റ്സിൽ തിളങ്ങിയ ഗ്രേസ് ആന്റണി വിനയ് ഫോർട്ടിന്റെ നായികയായി എത്തുന്നു.നവാഗതനായ അഷ്റഫ് രചനയും സംവിധാനവും നിർവഹിക്കുന്ന സിനിമയാണിത്. ഹാപ്പി ഹവേഴ്സ് എന്റർടെയ്ൻമെന്റിസിന്റെ ബാനറിൽ സമീർ താഹിറും ഷൈജു ഖാലിദും ചേർന്ന് നിർമിക്കുന്ന സിനിമയ്ക്ക് ഇതുവരെ പേരിട്ടില്ല. സുഡാനി ഫ്രം നൈജീരിയയാണ് ഈ ബാനറിൽ സമീറും ഷൈജുവും ആദ്യം നിർമിച്ചത്.രണ്ടാമത്തെ സിനിമയിൽ മൂന്നു നായികമാരാണ്. മറ്റുള്ളവരെ നിശ്ചയിട്ടില്ല.ചിത്രീകരണം ഉടൻ ആരംഭിക്കും.
ഗ്രേസ് നായികയാവുന്ന രണ്ടാമത്തെ സിനിമയാണിത്. കുമ്പളങ്ങി നൈറ്റ്സിൽ സിമി മോൾ എന്ന കഥാപാത്രത്തെയാണ് ഗ്രേസ് അവതരിപ്പിച്ചത്. സിമി മോൾ ഏറെ പ്രേക്ഷക പ്രശംസ പിടിച്ചു പറ്റിയിരുന്നു. ഒമർ ലുലു സംവിധാനം ചെയ്ത ഹാപ്പി വെഡിംഗിലൂടെയാണ് ഗ്രേസ് ആന്റണി സിനിമയിൽ തുടക്കം കുറിച്ചത്. അതേ സമയം പാലക്കാട് വാർത്തകൾ ഇതുവരെ എന്ന സിനിമയിൽ നായകനായി അഭിനയിക്കുകയാണ് വിനയ്.