ന്യൂഡൽഹി: പുൽവാമ ഭീകരാക്രമണത്തിന് ശക്തമായ തിരിച്ചടി നൽകിയ വ്യോമസേനയെ അഭിനന്ദിച്ച് മുൻ കരസേന മോധാവി വി.കെ.സിംഗ്. ട്വിറ്ററിലൂടെയായിരുന്നു അദ്ദേഹം വ്യോമസേക്ക് അഭിനന്ദനങ്ങൾ അറിയിച്ചത്.

ഓരോ തവണ നിങ്ങൾ ആക്രമിക്കുമ്പോഴും കൂടുതൽ കഠിനമായും ശക്തമായും ഞങ്ങൾ തിരിച്ചടിക്കും എന്നായിരുന്നു അദ്ദേഹം ട്വീറ്റ് ചെയ്തത്. പരുന്ത് പാമ്പിനെ റാഞ്ചുന്ന ചിത്രം ഉൾപ്പെടുത്തിയായിരുന്നു അദ്ദേഹത്തിന്റെ ട്വീറ്റ്.

'അവർ പറയുന്നു ഇന്ത്യയെ ആയിരം വെട്ടുവെട്ടി അതിൽ നിന്ന് രക്തം വരണമെന്നാണ് ആഗ്രഹമെന്ന്. പക്ഷെ ഞങ്ങൾ പറയുന്നു നിങ്ങൾ ഓരോ തവണ ആക്രമിക്കുമ്പോഴും അതികഠിനമായും ശക്തമായും ഞങ്ങൾ മറുപടി നൽകും'. വ്യോമാക്രമണം നടത്തിയ വ്യോമസേനാംഗങ്ങളെ അഭിനന്ദിക്കുന്നതായും വി.കെ. സിംഗ് ട്വീറ്റിൽ കുറിച്ചു.

ഇന്ന് പുലർച്ചെയാണ് പുൽവാമ ആക്രമണത്തിന് തിരിച്ചടിയായി പാക് അധീന കശ്മീരിൽ ഇന്ത്യ ആക്രമണം നടത്തിയത്. ജെയ്ഷെ ഭീകരരുടെ പാകിസ്ഥാനിലെ ഏറ്റവും വലിയ കേന്ദ്രമാണ് സൈന്യം അഗ്നിക്കിരയാക്കിയത്. ആക്രമണത്തിൽ ജെയ്ഷെ കമാൻഡർമാർ ഉൾപ്പെടെ പരിശീലനം ലഭിച്ച നിരവധി തീവ്രവാദികളെയും വധിച്ചതായി ഇന്ത്യ സ്ഥിരീകരിച്ചു.

They say they want India to bleed with a 1000 cuts. We say that each time you attack us, be certain we will get back at you, harder and stronger. Salute the brave pilots of the @IAF_MCC that carried out the strikes. #JaiHind pic.twitter.com/3dLvr5oX0B

— Vijay Kumar Singh (@Gen_VKSingh) February 26, 2019