മലയാളത്തിന്റെ പ്രിയ താരം മമ്മൂട്ടിയെ സോഷ്യൽ മീഡിയയിലൂടെ വിമർശിച്ച കോൺഗ്രസ് നേതാവിന് നേരെ സെെബർ ആക്രമണം. മലപ്പുറം ഡി.സി.സി ജനറൽ സെക്രട്ടറി കെ.പി നൗഷാദ് അലിയ്ക്ക് നേരെയാണ് മമ്മൂട്ടി ഫാൻസുകാർ ചീത്തവിളിയുമായി രംഗത്ത് വന്നത്. മമ്മൂട്ടിയുമായി വിമർശിച്ച് കൊണ്ടുള്ള ഒരു പോസ്റ്റാണ് നൗഷാദ് ഫേസ്ബുക്കിൽ പങ്കുവച്ചത്. ഇതിനെതിരെ കേട്ടാൽ അറയ്ക്കുന്ന അസഭ്യവാക്കുകളാണ് ഫാൻസുകാർ ഉപയോഗിച്ചത്.

തന്നെയും കുടുംബത്തെയും മോശമായ ഭാഷയിൽ ചീത്ത വിളിക്കുകയും ഭീഷണിപ്പെടുത്തിയത് എതിരെയും പൊലീസിൽ പരാതി കൊടുത്തതായി നൗഷാദ് പറഞ്ഞു.

നൗഷാദ് അലിയുടെ ഫേസ്ബുക്ക് കുറിപ്പന്റെ പൂർണരൂപം

അഭിമന്യുവിന്റെ കുടുംബ നിധിയിലേക്ക് രഹസ്യമായി 5 ലക്ഷം സംഭാവന നൽകി പി.രാജീവിനോട് പരസ്യമാക്കാൻ പറഞ്ഞവൻ മമ്മൂട്ടി. ഗുജറാത്തിൽ ഡിഫിയില്ലാത്തത് കൊണ്ട് കലാപമുണ്ടായെന്ന് ഉരിയാടിയവന്‍ മമ്മൂട്ടി. വസന്തകുമാറിന്റെ വീട്ടിൽ അറിയിക്കാതെ എത്തിയെന്ന് അറിയിക്കാൻ മാദ്ധ്യമങ്ങളെ ചട്ടം കെട്ടിയവൻ മമ്മൂട്ടി.

ഷുഹൈബും പെരിയയും ടി.പി യുമൊന്നും അറിയില്ലേലും ലാലിനെപ്പോലെ സംഘിപട്ടവും, വിദ്വേഷ നിർമ്മിതിയുമൊന്നും ഏശാത്ത സുരക്ഷിത സ്ഥാനീയൻ സഖാവ് മമ്മൂട്ടി. നട്ടെല്ലിന്റെ സ്ഥാനത്ത് വാഴപ്പിണ്ടിയുമായി നടക്കുന്ന താങ്കൾ രമേശ് ജിയുടെ കല്യാണത്തിന് തിരക്കിനിന്നാൽ ബാലൻസ്ഡ് ആവുമെന്ന് കരുതിയാൽ നീ പോ മോനേ ദിനേശാ ... നീ വെറും കുട്ടിയാണ് എന്നേ പറയാനുള്ളൂ